ابھی کچھ وقت باقی ہے

آزاد نظم

وہ اچھا دور آنے میں
ابھی کچھ وقت باقی ہے
زمیں کی گود پر جب چاہتوں کی پرورش ہوگی
بدن کی ﮈالی ﮈالی پر
امنگوں آرزوؤں کے ہزاروں پھول مہکیں گے
اگرچہ
نفرتوں کے تیز کانٹے بھی
گلوں کے ساتھ ہی ہونگے
مگر
انسان ان سے بچ کے چلنا سیکھ جاۓ گا
فضا کے پیرہن پر جب
کہیں بارود کے دھبے نہیں ہوں گے
سماعت گولیوں کے شور سے نا آشنا ہوگی
تعارف کیلیے
حسب و نسب کا تذکرہ معیوب ٹھہرے گا
اور انسان کی انسانیت پہچان ٹھہرے گی
وہ اچھا دور آنے میں
ابھی کچھ وقت باقی ہے

اقبال قریشی

 

عمدہ شیئرنگ، دعا ہے کہ اللہ وہ وقت جلد لائے!

 

بہت خوب

 

بہت خوب

 

بہت عمدہ انتخاب

خوش رہیں