عمرہ زائرین میں وطن واپسی پر آب زم زم کے لیے کراچی ائرپورٹ پر لڑائی مار کٹائی

عمرہ زائرین میں وطن واپسی پر آب زم زم کے لیے کراچی ائرپورٹ پر لڑائی مار کٹائی ​

نیوز ڈیسک
30/05/2018

​

عمرہ زائرین وطن واپسی پر آب زم زم کے لیے کراچی ائرپورٹ پر لڑ پڑے۔ معاملہ بڑھنے پر عمرہ زائرین پر قابو پانے کے لیے اے ایس ایف کو طلب کرنا پڑ گیا۔

بتایا گیا ہے کہ درجنوں عمرہ زائرین وطن واپسی پر آب زم زم کے معاملے پر بری طرح لڑ پڑے، جھگڑے پر قابو پانے کے لیے اے ایس ایف کو طلب کرنا پڑگیا۔ یہ واقعہ منگل کی صبح پیش آیا جس کے مطابق ماہ صیام میں عمرہ کرکے واپس آنے والے زائرین کراچی ایئرپورٹ پر آپس میں بری طرح لڑ پڑے۔ جھگڑے میں استقبال کے لیے آنے والے افراد بھی شامل ہو گئے۔

اطلاعات کے مطابق یہ جھگڑا آب زم زم کی ملکیت کے معاملے پر ہوا معاملہ تلخ کلامی سے بڑھ کر ہاتھا پائی تک پہنچ گیا۔ کراچی ائیرپورٹ کے بین الاقوامی آمد کے باہر لاؤنج میں زائرین نے ایک دوسرے پر مکوں اور لاتوں کی بارش کردی۔ جھگڑے کے سبب عمرہ زائرین کی رشتہ دار خواتین نے ایئر پورٹ پر چیخ و پکار شروع کردی۔ معاملہ بہت بڑھ گیا تو عمرہ زائرین پر قابو پانے کے لیے اے ایس ایف کو طلب کرنا پڑگیا جس نے مداخلت کرکے دونوں فریقین میں صلح صفائی کرائی۔

=======

کتنی شرم کی بات ہے کچھ دیر پہلے یہ عمرہ زائرین جن سعودی عرب سے چلے تو تب تک یہ اپنے گناہوں کی معافی مانگ چکے تھے، خوب عبادات کی ہونگی اللہ سبحان تعالی کو راضی کرنے کے لئے، توبہ استغفار بھی کی ہونگی مگر پاکستان پہنچتے ہیں پانی پر ایسے جگھڑ رہے ہیں جیسے کسی اکھاڑے میں لڑنے آئے ہوں، اگر یہی کام کرنا تھا تو پھر کیا فائدہ ایسے عمرہ اور عمرہ میں عبادات کا، شائد سب ضائع کر دیں۔

 

ناقص انتطامات اور متوسط آدمی عمر میں ایک ادھ بار ہی عمرہ ادا کر سکتا اس پر بھی اگر 5 لٹر زمزم کا کوئی اور دعویدار نکل آئے تو غصہ ہونا فطری بات ہے۔ میں اپنی فیملی کے ساتھ ٹریول کرتا ہوں تو چھ سے سات زمزم کی بوتلیں یہاں سے بک کرواتے ہیں اور وہاں ایک دو کم ہی ملتی ہیں۔ اب جو بندہ لے کر ہی ایک بوتل گیا ہو اسکے سامنے دوسرا اس کی بوتل اٹھا کر چلتا بنے یا پھر کنویئر تک آنے سے پہلے ہی ایئرپورٹ کا عملہ اچک لے تو سوائے غصے کے کیا کر سکتے ہیں۔ ویسے معتمرین اور حجاج کو بھی صبر و تحمل سے کام لینا چاہئے اپنی بوتل کسی اور کو نہ اٹھانے دیں اور کسی اور کی بوتل خود نہ اٹھائیں۔ ایک بوتل کے پیچھے ساری محنت اور عبادت کو ضائع نہ ہونے دیں۔

 

السلام علیکم

میرے خیال سے اب پانی ساتھ لے کر جانے کی کسی کو اجازت نہیں سعودی حکومت ائرلائن کو ایک ٹکٹ پر 2 پانی کی بوتلیں دیتی ہے جو فائنل ڈیسٹیشن پر ائرلائن انہیں دیتی ہے، یہاں عمرہ و حج سے آنے والے یہی بتاتے ہیں۔

ہم تو جب بھی بربنگھم سٹی جائیں وہاں سے آب زم زم خرید کر لاتے ہیں سعودی پیکنگ میں سعودی عرب سے ایکپورٹ ہوتا ہے۔

والسلام

 

وعلیکم السلام
نہیں بھائی ہم تو ایئر پورٹ سے اپنا خرید کے لے جاتے ہیں، فی ٹکٹ ایک بوتل! عمرہ زائرین کا شاید ہو سکتا ہے کہ الگ پیکج ہو۔

 

جدہ سعودی عرب سے آنے والے تمام ایئرلائنز سے 5 لیٹر کی زمزم کی ایک بوتل کو بیگیج الاؤنس یا مسافر کے لئے مقرر کردہ وزن میں نہیں گنا جاتا۔ اور کسی اضافی چارجز کے بغیر لانے کی اجازت ہے۔
اور یہ 5 لیٹر کی بوتل جدہ ائیر پورٹ سے معتمرین اور حجاج کو خریدنا ہوتا ہے۔

فی پانچ لیٹر بوتل مع پیکنگ کی قیمت 9 سعودی ریال ہے۔

عام طور پر انڈونیشیا ملائیشیا سنگاپور اور مالدیپ کے حج عمرہ گروپس والے اپنے اپنے گروپ کے نام اور نشان والے سٹیکر بوتلوں کی عدد سمیت ہر زمزم پیکنگ میں چپساں کردیتے ہیں۔ تاکہ اپنے اپنے ممالک پہونچنے کے بعد کسی بدنظمی کا شکار نہ ہوں اور حتی المقدور آسانی کے ساتھ گروپ کے بوتلوں کو الگ کیا جاسکے۔ کیونکہ سارے پیکنگ ایک جیسے اور ایک جیسے دکھائی دیتی ہے۔

فرق صرف یہ ہے کہ فی گروپ کتنے مسافر ہیں۔ کسی گروپ میں سو زائر ہوں تو دوسرے گروپ میں ڈیڑھ سو بھی ہوسکتا ہے۔

اور کبھی کبھی جدہ ائرپورٹ کی بد انتظامی کی وجہ سے سامان اور پانی چڑھائے بغیر ہی جہاز اپنے منزل مقصود پہونچ جاتی ہے۔
ویسے جدہ ائیرپورٹ سے گزرنے والے جنوبی ایشیائی مسافروں کا پارہ چڑھنا کوئی اچنبے کی بات نہیں ہے۔ کیوں کہ سعودی عرب والے ان ممالک کے عوام الناس کے ساتھ غیر مہذب اور سختی کی روش اپناتے ہیں، خاص کر عمرہ/ حج ٹرمینل سے گزرنے والوں سے۔

ویسے اپنے ملک پہونچ کر بھی ایسا حادثہ ہوجائے تو غصہ آجانا فطری بات ہوتی ہے۔

مالدیپ میں حج عمرہ سیزن میں حجاج و معتمرین کے سہولت کیلئے اضافی نفری تعینات کئے جاتے ہیں جو صرف معتمرین اور حجاج کے گروپز کو سہولت کے کام کرتے ہیں ۔مالدیپ کے ایئرپورٹ میں بد انتظامی نہ ہونے کے برابر ہے

الحمد للہ۔