وزیر مملکت برائے داخلہ کا مضحکہ خیز بیان

پاکستان میں کوئی اور تبدیلی آئی ہے یا نہیں آئی نہیں حکومت کے وزرا آئے دن مزحکہ خیز بیانات دے کر اپنی 'انتہائی قابلیت' کا ناقابل تردید ثبوت دیتے رہتے ہیں۔ حال ہی میں وزیر مملکت برائے داخلہ شہریار آفریدی نے ایک گپ لگائی کہ اسلام آباد کی 75% طالبات آئس کا نشہ کرتی ہیں۔ یعنی سادہ لفظوں میں میری ہر چار میں سے تین طالبات آئس جیسا مہنگا نشہ خریدنے کی نہ صرف استطاعت رکھتی ہیں بلکہ کرتی بھی ہیں۔ مجھے ان سب کے معصوم چہرے یاد آ رہے ہیں جو بے چاری دن رات پریزنٹیشنز، اسائنمنٹس اور امتحان کی تیاری میں مگن ہیں اور یہاں ذرائع ابلاغ پر ایک وزیر ان کے بارے میں سنسنی پھیلا رہا ہے۔ اس جماعت کو ابھی تک یقین نہیں آیا کہ وہ اب کنٹینر پر نہیں تخت اقتدار پر ہے۔ پتہ نہیں نشے میں بیان دے کر معصوم بچوں کے بارے میں والدین کو مشکوک کرنے پر کوئی سزاہوتی ہے یا نہیں؟

 

پتہ نہیں انہیں ایسی ‏‎غلط اور بے بنیاد معلومات کون دیتا ہے۔ ایسے گمراہ کن بیان پر یقینا ان سے باز پرس ہونی چاہیے۔ بلکہ طالبات اور اساتذہ کو ان پر کیس کرنا چاہیے

 

ایسے سیاسی بیانات کو اس کے بڑھوتری اور خطرہ بیان کرنے کا غیر حسابی اور قیاسی انداز سمجھا جائے تو زیادہ مسئلہ نہیں ہوگا۔

ویسے یہ نئی نئی خطرناک چیزیں جس انداز سے پروان چڑھی ہیں اس کے بارے میں بات کرکے اسے کم کرنے کی جتن کرنا سیاسی بیان بازی سے اہم ہوتی ہیں۔

کتنے ہی خاندان دنیا بھر میں دونوں جنس کے نوجوانوں کی ایسے نشہ آور چیزوں کی وجہ سے کرب و المناک زندگی گزارنے پر مجبور ہیں۔

اللہ ہم سب اور ہم سب کے خاندانوں کو ایسے چیزوں سے بچائے۔ آمین۔

 

بھائ درو‏غ گوئ کی کوئ حد ہوتی ہے۔ بات کسی اور انداز سے بھی کی جاسکتی تھی۔ 75 فیصد کی فگر دینے کی سنگینی کا اندازہ کرلیں۔ کہ ہر چار میں سے تین لڑکیاں اس نشہ کی لت میں مبتلا ہیں۔

 

تعلیم حاصل کرنے والی لڑکیوں کی تعداد پہلے ہی کم ہے اوپر سے ایسی بے بنیاد باتیں کرنے والے مزید نفرت پھیلا کر ان بچیوں کی مشکلات میں اضافہ کرتے ہیں ایسی باتوں کا کیا اثر ہوتا ہے صرف وہی خواتین اور لڑکیاں جان سکتی ہیں جو روز اس گندے معاشرے میں زندگی کی جدو جہد میں حصہ لینے کو گھر سے باہر نکلتی ہیں۔ اگر کوئی شاعرانہ مبالغہ آرائی والا بیان ہوتا تو نظر انداز کیا جا سکتا تھا، لیکن یہاں تو اعدادوشمار دے کر بہت وثوق سے گپ ماری گئی۔ جھوٹ بولنے اور خود سے اعدادوشمار گھڑنے کی عادت پڑی ہو تو انسان یوں ہی فراٹے سے جھوٹ بولتا جاتا ہے۔
جو لوگ منشیات کی لعنت کو ختم کرنے کے لیے سنجیدہ جدو جہد کر رہے ہیں وہ بھی چیخ پڑے ہیں کہ اس بیان کا صرف نقصان ہوا ہے اور والدین اور اساتذہ کی مشکلات میں اضافے کے سوا کوئی خدمت نہیں ہوئی۔

 

بہت پتے کی بات کی ہے۔ یعنی جو کنٹینر کے بغیر برسر اقتدار آنے وہ غلطیوں سے مبرا تھے۔
آج شیریں مزاری نے بھی عزیر داخلہ کے بیان کو غلط اور حقائق کے منافی قرار دیا ہے۔

 

شیریں صاحبہ دوسرے وزیروں کے بیانوں پر بیان دینے کی وزیر ہیں، معلوم نہیں پروفیسر کی ہتھکڑی لگی میت پر وزیرانسانی حقوق کیا فرمائیں گی۔

 

بہت خوب! یعنی ابن آدم ایک غلطی کے بعد دوسری غلطی نہیں کرتا۔ اور ایک سے زیادہ غلطیان کرنا صرف ان کنٹینر والوں کا خاصہ ہے۔

 

اس بری خبر کی گونج پاکستان سے باہر کی دنیا میں بھی سنائی دے رہی ہیں۔ اور وہ بھی بمطابق بی بی سی کے عام روش یعنی "مغربی تڑکے" کے ساتھ ۔

اور یقینا اس خبر سے گمراہی بڑھانے کی کوشش کے ساتھ خبر کو جانچنے کی کوشش بھی کی گئی ہے۔

اللہ ہم سب کو حرام سے بچائے۔ آمین۔

https://www.bbc.com/urdu/pakistan-46644220

 

پچھتر فی صد بہت زیادہ مبالغہ ہے کچھ کم رکھنا چاہیے..یہ نشہ آئیس پتہ نہیں کیا چیز ہے.ہمارے معصوم بچے بھی یہ خبر سن کر جیک کرنے کے متمنی نظر آتے ہیں...اس کا سد باب کرنے کے بجائے تشہیری مہم سی چلا دی گئ ہے.
میرا خیال ہے اس پچھتر فیصد میں مالدار طبقہ اور ممی ڈیڈی طبقہ ہی مراد ہوگا.متوسط اور غریب طبقہ تو سیگریٹ اور نسوار بھی چھوڑ رہا ہے آہستہ آہستہ..
گناہ ٹیکس کے نفاذ کے بعد تو جواز بھی کچھ کچھ بنے گا..ٹیکس دو اور گناہ کرو ورنہ نہیں..بہرحال عالمی استعمار کا یہ پلان بہت خطرناک لگ رہا ہے .پڑھی لکھی مائیں ایک بہترین قوم تیار کرتی ہیں تو نشہ کی عادی مائیں کیا گل کھلا سکتی ہیں..نشئ قوم !!
گویا وزیر موصوف یہ باور کروانے کی کوشش میں ہیں کہ مسقبل میں ہم ایک نشئ قوم بننے جا رہے ہیں..