دنیا میں پہلا صاحبِ حدیث (اہلِ حدیث)

ثقہ امام ابو القاسم عبداللّٰہ بن الحسن بن سلیمان المقرئی ابن النخاس رحمہ اللّٰہ نے کہا:
’’میں نے (امام) ابو بکر بن ابی داود (رحمہ اللّٰہ) کو فرماتے ہوئے سنا:
میں نے سجستان میں ابو ہریرہ (رضی اللّٰہ عنہ) کو خواب میں دیکھا اور میں ان کی حدیثیں جمع کر کے کتاب لکھ رہا تھا، ان کی گھنی داڑھی تھی، درمیانہ قد گندمی رنگ، آپ نے موٹے کپڑے پہنے ہوئے تھے۔
میں نے کہا: اے ابو ہریرہ! میں آپ سے محبت کرتا ہوں۔
تو انھوں نے فرمایا: میں دنیا میں پہلا صاحبِ حدیث (اہلِ حدیث) تھا (جس نے شاگردوں کی ایک فوج تیار کی) الخ۔‘‘
(سندہ صحیح، تاریخ بغداد 9/ 467، مقالات: 4/ 391، بتحقیق الشیخ زبیر علی زئی رحمہ اللّٰہ)