خطبہ حرم مکی از ڈاکٹر اسامہ خیاط حفظہ اللہ بعنوان: "سفرِ ہجرت کا پیغام: اللہ کا ساتھ" 25- محرم -1448 ہجری

﷽

امامِ کعبہ فضیلۃ الشیخ پروفیسر ڈاکٹر اسامہ بن عبد اللہ الخیاط حفظہ اللہ نے مسجد الحرام، مکہ مکرمہ میں 25 محرم الحرام 1448 ہجری کو “سفرِ ہجرت کا پیغام: اللہ کا ساتھ” کے عنوان سے خطبۂ جمعہ ارشاد فرمایا۔ خطبے میں انہوں نے واضح کیا کہ زندگی کی آزمائشوں، مصیبتوں اور خوف کے لمحات میں مؤمن کا سب سے مضبوط سہارا اللہ تعالیٰ کی معیت ہے۔ سفرِ ہجرت کے دوران غارِ ثور میں رسول اللہ ﷺ نے صدیقِ اکبر رضی اللہ عنہ کو ’’غم نہ کریں، یقیناً اللہ ہمارے ساتھ ہے‘‘ فرما کر اسی حقیقت پر ان کا یقین مضبوط کیا۔ یہ واقعہ کامل توکل، قلبی اطمینان اور نصرتِ الٰہی پر پختہ اعتماد کا جاوداں نمونہ ہے۔ اللہ تعالیٰ اپنے سچے، متقی اور مخلص بندوں کو بے یار و مدد گار نہیں چھوڑتا؛ بلکہ انہیں مدد، حفاظت، سکون اور ثابت قدمی عطا فرماتا ہے۔ بندے کو اللہ کی خصوصی معیت اسی قدر نصیب ہوتی ہے جس قدر اس کا ایمان، تقویٰ، اخلاص اور حسنِ عمل مضبوط ہوتا ہے۔ اللہ کا ساتھ حاصل ہو تو مشکلات آسان اور اندیشے امن میں بدل جاتے، دور کی منزلیں قریب ہو جاتیں اور غم و پریشانیاں دور ہو جاتی ہیں۔ لہٰذا اہلِ ایمان تقویٰ اختیار کریں، رضائے الٰہی کو ترجیح دیں اور اللہ کی نصرت پر بھروسا رکھیں۔

مکمل خطبہ کے لیے کلک کریں۔