الوداع، الوداع ،اے مجلس والو! الوداع

عطاءالرحمن منگلوری نے 'اركان مجلس كے مضامين' میں ‏ستمبر 1, 2013 کو نیا موضوع شروع کیا

  1. عطاءالرحمن منگلوری

    عطاءالرحمن منگلوری -: ماہر :-

    شمولیت:
    ‏اپریل 9, 2012
    پیغامات:
    1,388
    السلام علیکم و رحمہ اللہ ،
    مجھے یہ بتاتے ہوئے بہت افسوس ہو رہا ہے کہ آپ لوگوں کے ساتھ اب مزید چلنا ناممکن سا ہو گیا ہے۔ یوں تو کئی لوگ آئے اورچلے گئے ،میرے چلے جانے سے بھی فرق نہیں پڑے گا۔لیکن مجھے اچانک چلے جانا اچھا نہیں لگتا،اس لئے بتا کر جانا چاہتا ہوں تا کہ کل کوئی یاد بھی کرے تو عمدہ طریقے سے یاد کرے اور مناسب سمجھے تو دعائے خیر بھی کرلے۔ہے کوئی جو مجھے روک لے؟ یقینا نہیں۔کیونکہ جانے والوں کو کو ئی روک نہیں سکتا اور جب تک اللہ نہ چاہے کوئی زبردستی بھیج بھی نہیں سکتا۔پیش گوئی تو تھی کہ مجھے یکم اگست کو الوداع ہو جانا ہے مگر اپنی حالت کچھ ایسی تھی کہ
    ؎ پر دم ہے تو تو نہیں خطرہ افتاد
    اسی کشمکش میں ایک ماہ اور گزر گیا۔۔۔ہمارے سامنےکئی لوگ دنیا چھوڑ کے چلے جاتے ہیں،ماں ،بہن،بھائی،بیٹے، بیٹیاں اور دیگر عزیز سب دیکھتے رہ جاتے ہیں بلکہ جو سمجھدار ہوئے وہ کہتے ہیں جلدی رخصت کرو۔۔۔
    اب وہ وقت ۤگیا ہے دوستو ، آثار نظر انے لگے ہیں،آپس میں چہ میگوئیاں ہو رہی ہیں، کھل کے بات کوئی نہیں کرتا لیکن میں سب سمجھتا ہوں،دوست احباب ایک دوسرے سے پوچھتے ہیں ،کتنے دن ر ہ گئے، اور کتنا وقت نکال لے گا؟والد صاحب تو دنیا میں موجود نہیں ،والدہ صاحبہ نے نہ چاہتے ہوئے بھی حکم ر بی قبول کر لیاہے کیونکہ مومن ہمیشہ رب کریم کے فیصلے پر راضی رہا کرتا ہے۔۔کچھ دوست احباب ذرا کھل کے بات کرتے ہیں، میں بھی ان سے ذرا گپ شپ لگا لیتا ہوں، وہاں کی نعمتوں ، آسایشوں،اور اکرامات کی بات ہوتی ہے۔۔۔ تو جی چاہتا ہے کل کے بجائے آج ہی رخت سفر باندہ لوں مگر زاد راہ پہ بھروسہ نہیں، اعمال صالحہ پلے نہیں مگر اللہ کی رحمت سے مایوسی بھی نہیں ، ایک خطا کار بندہ ہوں،مگر اس کی رحمت کا امیدوار اور طلبگار۔۔کل ایک دوست کہ رہا تھا کہ وہاں بہت کچھ ہے لیکن، بجلی ،گیس، موبائیل، نیٹ کوئی بھی ایسی سہولت نہیں جو دنیا والوں سے ہمہ وقتی رابطہ رہ سکے۔۔ چنانچہ اپنے تئیں تسلی دیتے ہوئے ہم کہنے لگے دل کو دل سے راہ ہوتی ہے ، روحانی اور دلی رابطے پہلے سے بھی کہیں مضبوط ہو جاتے ہیں۔۔وہ بھی تو اک خوبصورت جہاں ہے،وہاں بھی لوگ بستے ہیں،کیا ہوا اگر وہاں کی ہر چیزنے سفید چادر اوڑھ رکھی ہے۔
    اب تو صبر کا پیمانہ لبریز ہوگیا ہے ،دوست احباب کے بعد ورثاء کی امید بھری نگاہیں دیکھ کر،ایک صاحب آہستہ سے قریب آ کے کہتے ہیںــ'' آپ کے بعد گھر کس کو ملے گا؟آپ والا'' ہم کیا کہتے،یہی جواب دیا کہ یہ فیصلہ گھر کا مالک کرے گا،اگر میں مالک ہوتا تو کبھی چھوڑ کے نہ جاتا۔کوئی بائیک اور کوئی بچے کی سائیکل پہ نظر رکھے ہوئے دکھائی دیا۔کھانے کے درمیان میں ایک صاحب بولے عطا صاحب !آخری سمجھ کے کھائیں،معلوم نہیں پھر نصیب ہو کہ نہ ہو،ہم نے کہا ٹھیک کہ رہے ہیں آپ ۔۔ کاش نماز بھی آخری سمجھ کے ادا کیا کرتے،شاید پھر نصیب ہو یا نہ ہو تو زندگی بدل جاتی ۔۔۔کیا حالات بتاؤں،کیا کیا دیکھا اور محسوس کیا،جدائی کی ان گھڑیوں میں،مجھے ہی معلوم ہے کہ ۔ ۔۔۔ اس رنگ برنگی دنیا اور مجلس سے جدا ہونا ،کتنا دشوار لگتا ہے۔۔مگر یہ گھونٹ تو باالآخر بھرنا پڑتا ہے کبھی عارضی جدائی کا اور کبھی مستقل جدائی کا۔۔۔مختصر یہ کہ
    کیا ایسا دل گرفتہ تمہاری محفل سے آئے
    آنکھوں میں آنسو بھی بڑی مشکل سے آئے
    دوستو ان برف پوش وادیوں میں اللہ کی یاد بہت آ ۤتی ہے، عجائبات و غرائبات دنیا آنکھوں سے دیکھ کر دل سے آواز نکلتی ہے ــــ''اللہ خالق کل شئی وھوالواحد القہار''
    حقیقت یہ ہے کہ عالم ارض و سماوٰت اور ان کے حیرت انگیز نظام میں اس قدر دلائل و براہین اور رب کائنات کی نشانیاں موجود ہیں جن سے اعراض مشکل ہے۔قرآن مجید میں ہی ارشاد ہے۔''وکاین من آیہ فی السموٰت والارض یمرون علیہا وھم عنہا معرضون''۔(یوسف)
    اور زمین و آسمان میں کتنی ہی ایسی نشانیاں ہیں،جن سے یہ لوگ آنکھیں بند کر کے گزر جاتے ہیں۔''
    اہل مجلس، اخوان و اخوات !سب سے دعاؤں کی درخواست ہے کہ اللہ رب العزت ہماری اگلی منزل کو آسان بنائے۔۔۔ہم گلگت اور سکردو جانے کا عزم کر چکے ہیں ۔
    ؎ امید ہے دعا کی اہل سخن سے اکبر ،،، کچھ تو حقوق میرے اردو زباں پر ہیں
     
    • پسندیدہ پسندیدہ x 3
    • ظریفانہ ظریفانہ x 1
  2. بابر تنویر

    بابر تنویر منتظم

    شمولیت:
    ‏دسمبر 20, 2010
    پیغامات:
    6,584
    بھائ یقینا جانے والوں کو کوئ روک نہیں سکتا مگر ان کے لیۓ دعا تو کر سکتا ہے۔ اور ہماری پہلی دعا یہ ہے کہ ہماری اور آپ کی یہ جدائ عارضی ہو اور اس کے بعد ہمارے یہ دعا ہے کہ آپ جہاں بھی رہیں سلامتی کے ساتھ رہیں۔ آپ کے سر پر اللہ تعالی کی رحمتوں کا سایہ رہے، اللہ تعالی ‍آپ کو ہر مشکل ، ہر پریشانی اور ہر بیماری سے محفوظ رکھے۔ اور اور پھر آپ ایک دن یہ تھریڈ بھی لگائیں کہ بھائ دیکھو میں دوبارہ آگيا۔ آمین! جہاں بھی رہیں خوش رہیں۔
     
    • پسندیدہ پسندیدہ x 2
  3. ساجد تاج

    ساجد تاج -: رکن مکتبہ اسلامیہ :-

    شمولیت:
    ‏نومبر 24, 2008
    پیغامات:
    38,712
    وعلیکم السلام ورحتمہ وبرکاتہ:-

    آپ کے تھریڈ کا عنوان پڑھ کر میں سمجھ گیا تھا کہ آپ کا اسکردو جانے کا پلان بن گیا ہے ، یقینا افسوس بھی ہوا اور آپ سے دوری کا غم بھی لیکن یہ سوچ کر خوش ہوں کہ یہ میرے اللہ کا فیصلہ ہے اور میرا اللہ میرے بھائی کے حق میں ہمیشہ بہتر ہی کرے گا، کیونکہ میرا اللہ وہ جانتا ہے جو ہم نہں‌جانتے ہیں۔ اللہ تعالی سے دُعا ہے کہ وہ آپ کو اپنے حفظ وامان میں رکھے آمین۔ آپ پریشان ہونے کی بجائے خوشی خوشی جائیں مجھے میرے اللہ پر بہت یقین ہے کہ ان شاءاللہ آپ کو وہاں جا کر نیٹ‌کی فون کی سہولت کے ساتھ نیٹ کی سہولت بھی میسر ہو جائے گی اور ہمارا رابطہ پھر سے آپس میں‌ہو جائے گا، اگر ایسا نہ ہوا تو ہماری بھابھی سے کہیے ا کہ پلیز وہی بریانی اور چکن بنا لیں اُس کی خوشبو سے ہی میں‌وہاں‌پہنچ جائوں‌گا۔ ان شاءاللہ آپ سے فون پر بات کرنے کی کوشش کرتا ہوں۔

    دوری دل کی ہوتی ہے تو ہم گھبراتے اے دوست
    ہم جلد پھر اکٹھے ہوں گے ان شاءاللہ یہ جان لو اے دوست
     
    • پسندیدہ پسندیدہ x 1
  4. ساجد تاج

    ساجد تاج -: رکن مکتبہ اسلامیہ :-

    شمولیت:
    ‏نومبر 24, 2008
    پیغامات:
    38,712
    اگر عنوان میں‌الوداع کی جگہ یہ لکھ دیتے کہ پھر ملیں گے اے دوست تو دل زیادہ خوش ہو جاتا ۔
     
    • پسندیدہ پسندیدہ x 1
  5. نصر اللہ

    نصر اللہ ركن مجلس علماء

    شمولیت:
    ‏دسمبر 19, 2011
    پیغامات:
    1,823
    جانے والوں کو مت روکو کہ بہرم رہ جائےکہ جانے والو تو آخر جانا ہی ہے۔
    اللہ سے دعا ہے کہ آپ اور ہماری یہ جدائی عارضی ہی ہو۔اللہ آپ کےلئے ہر طرح سے آسانیاں پیدا کردیں۔
     
    • پسندیدہ پسندیدہ x 1
  6. رفی

    رفی -: ممتاز :-

    شمولیت:
    ‏اگست 8, 2007
    پیغامات:
    11,359
    و علیکم السلام و رحمۃ اللہ و برکاتہ!

    جیسے جیسے پڑھتا گیا عجیب سے خدشات سر اٹھاتے چلے گئے، آخری لائنز پر پہنچ عقدہ کھلا کہ یہ آپ کی گلگت سکردو روانگی کا اطلاع نامہ ہے، اللہ آپ کا حامی و ناصر ہو اور آپ کو بخیریت واپس لے آئے ۔ ۔ ۔ ۔

    ہم آپ کی کمی شدت سے محسوس کریں گے اور آپ کی بخیریت واپسی کے منتظر رہیں گے۔


    والسلام
     
    • پسندیدہ پسندیدہ x 1
  7. Ishauq

    Ishauq محسن

    شمولیت:
    ‏فروری 2, 2012
    پیغامات:
    9,527
    اللہ آپ کے لیے آسانیاں پیدا کرے. آمین
    وہاں جا کر بھی مجلس سی رابطہ ضرور رکھیے گا.
     
  8. ابن قاسم

    ابن قاسم محسن

    شمولیت:
    ‏اگست 8, 2011
    پیغامات:
    1,713
    گلگت سکردو کیوں جارہے ہیں بھائی۔ اللہ تعالیٰ آپ کا حامی ناصرہو
     
    • پسندیدہ پسندیدہ x 1
  9. عبد الرحمن یحیی

    عبد الرحمن یحیی محسن

    شمولیت:
    ‏نومبر 25, 2011
    پیغامات:
    2,281
    حضرت اللہ آپ کو اپنے حفظ و امان میں رکھے آمین
    ذرا خیال کیا کریں
    میرے جیسے کمزور دل بھی یہاں موجود ہیں
     
    • پسندیدہ پسندیدہ x 1
  10. عبد الرحمن یحیی

    عبد الرحمن یحیی محسن

    شمولیت:
    ‏نومبر 25, 2011
    پیغامات:
    2,281
    اور آپ کا بھی
    اللھم آمین
    ابن قاسم بھائی آپ کہاں ہیں سب ٹھیک تو ہے ناں
     

اردو مجلس کو دوسروں تک پہنچائیں