تنظیم اسلامی کے بانی ڈاکٹر اسرار احمد کا عقیدہ وحدت الوجود !

رفیق طاھر نے 'غیر اسلامی افکار و نظریات' میں ‏مارچ 16, 2012 کو نیا موضوع شروع کیا

  1. أبو عبدالله بلال سلفي

    أبو عبدالله بلال سلفي رکن اردو مجلس

    شمولیت:
    ‏جولائی 4, 2015
    پیغامات:
    30
    السلام عليكم ورحمة الله وبركاته

    جماعت اہلحدیث کا ایک بہت بڑا المیہ یہ ہے کہ ہم اصلاح سے زیادہ فتووں کا بازار گرم رکھنے میں پیش پیش رہتے ہیں خصوصا پاک و ہند کے عوامی حلقے میں یہ وائرس عام پایا جاتا ہے !!!! تعجب ہے اللہ وحدہ لا شریک نے ہمیں جو دعوت کا اسلوب سمجھایا ہے اپنے کلام اقدس میں اس کے برعکس عمل کرتے ہوئے ہم ہر نئے ہونے اہلحدیث بھائی کو تبلیغی دیوبندی جماعت اسلامی کی کتابوں کی چھان بین پر لگا دیتے ہیں وہاں سے عقیدے دیکھتے جاؤ اور کفر و شرک کے فتوے لگاتے جاؤ حالانکہ یہ کام علماء راسخون فی العلم کا تھا لیکن یہ سارا کام اہلحدیث کے عامی طبقہ کے سپرد کر دیا گیا !!!!علماء اہلحدیث کو چاہیے تھا کہ وہ اپنی مساجد اور مدارس میں قرآن فہمی کی تعلیم دیتے ہر نئے پرانے اہلحدیث کو ایجوکیٹ کرتے تاکہ اہلحدیث عوام کا قرآن و حدیث کے ساتھ تعلق مضبوط ہوتا لیکن بدقسمتی سے ہوتا کیا ہے اہلحدیث عام الناس کو دیوبندی تبلیغی کتابوں کے حوالے تو یاد رہتے ہیں لیکن قرآن مجید کے حقیقی علم سے بالکل نا آشنا ہوتے ہیں !!!یہ ساری زمہ داری علماء کرام پر عائد ہوتی ہے کہ وہ اہلحدیث عوام کی صحیح معنوں میں دینی تربیت کریں انہیں قرآن کا علم سکھائیں !!!! رہی بات ڈاکٹر اسرار احمد علیہ الرحمہ کی تو انہوں نے انجمن خدام القرآن کی بنیاد رکھی اور امت مسلمہ کے قرآن حکیم کے ساتھ تعلق کو زندہ کرنے کے لئے 1972ء میں مرکزی انجمن خد ام القرآن لاہور قائم کی اس انجمن کی اندرون ملک اور بیرون ملک کئی شاخیں قائم ہوئیں والحمدللہ جو ان شاءاللہ تا قیامت تک ان کے لیے صدقہ جاریہ ہے !!! ہمارے علماء اہلحدیث کے لیے ایک عظیم ہستی علامہ عطاءالرحمن ثاقب شہید علیہ الرحمہ کی شخصیت مثال ہے جنہوں نے قرآن فہمی کے حوالے سے عامی پڑھے لکھے اور ان پڑھ کے لیے کورسز کا باقاعدہ طور پر آغاز کیا اور الحمد للہ کثیر تعداد میں لوگ شیخ رحمہ اللہ سے مستفید ہوئے
    شیخ رحمہ اللہ تعالی کے تاریخی الفاظ ”ہم نے جو پہلے زندگی گزاری، وہ اپنی عمر کا ایک قیمتی حصہ تھا جو ضائع کرلیا اب ہمیں قرآنِ حکیم کی تعلیمات کو عام کرنے کے لئے اپنے آپ کو وقف کرنا چاہئے۔ لہذا علماء اہلحدیث کو بھی چاہئے کہ مزید عام الناس کو مسئلے مسائل فرقوں کی بحث میں الجھانے کی بجائے انہیں قرآن فہمی کی تعلیم سے روشناس کروائیں آخر میں شیخ عطاء الرحمن ثاقب علیہ الرحمہ کا ایک اور سنہری بیان قلمبند کیے دیتا ہوں

    روزنامہ ’جنگ‘ کے تحت ہونیوالے ایک پروگرام (روا داری اور مذہبی ہم آہنگی، تعلیمات ِنبوی کی روشنی میں) میں اظہارِ ِخیال کرتے ہوئے کہا تھا

    ان کے یہ خیالات ان کی قرآنِ مجید سے والہانہ محبت و شیفتگی، ملت ِاسلامیہ کے اتحاد کے لئے فکری جمود کو ختم کرنے کے شدید جذبہ کا اعلیٰ مظہر ہیں۔

    جہاں تک خود مسلمانوں کے درمیان مذہبی رواداری کے سلسلے میں میری تجویز ہے کہ جب تک دینی مدارس میں ایک مخصوص فقہ کی بجائے مذاہب ِاربعہ کی فقہ کا تقابلی مطالعہ نہیں کروایا جائے گا، اس وقت تک وسعت ِظرفی اور مذہبی رواداری کا جذبہ پروان نہیں چڑھے گا اور نہ ہی فکری جمود کا خاتمہ ہونا، ممکن ہوسکے گا۔ ہمارے مدارس میں تقابلی تعلیم کے اہتمام سے تعصب اور فکری جمود ختم نہیں ہورہا اسی طرح ائمہ اور خطباءِ مساجد کے لئے کوئی معیار مقرر کیا جانا ضروری ہے۔ کم از کم ان کے لئے یہ تو لازمی قرار دیا جائے کہ وہ قرآن کے ترجمہ سے آشنا ہوں جبکہ ان کی ۷۰ فیصد اکثریت قرآن مجید کے مکمل ترجمہ سے بھی واقف نہیں دین ہماری متاع ہے اور ہم نے اسے مذہبی پیشواؤں کے سپرد کررکھا ہے۔ اس کے سدباب کے لئے قانون سازی کی ضرورت ہے تاکہ تعلیماتِ نبوی کی روشنی میں رواداری اور مذہبی ہم آہنگی کو فروغ حاصل ہوسکے

    وما علینا الا البلاغ
     
  2. ابوعکاشہ

    ابوعکاشہ منتظم

    شمولیت:
    ‏اگست 2, 2007
    پیغامات:
    14,234
    ایسا کچھ نہیں.اہل حدیث فتوی یا حکم لگانے کے حوالے سے سب فرقوں میں سب سے زیادہ محتاط ہوتے ہیں.
    ہاں یہ بات کسی حد تک درست ہے کہ پاک و ہند، اور خاص پاکستان میں اہل حدیث جو جماعتوں میں منقسم ہیں. اور بعض سیاسی اور جہادی، جذباتی قسم کے نوجوان جو اپنے علماء کو ہی شیخ الکل سمجھتے ہیں.ہر قرآنی آیت یا حدیث سے استدلال کر کے لوگوں پر فٹ کرتے ہیں.یہ نہیں دیکھتے کہ وہ آیت محکم یا متبع سنت بھی ہے یا نہیں. یہ سلف کا منہج نہیں.یہ دین و ایمان کا نقصان ہے. یہ خود لا شعوری طور پر پر فتن میں مبتلا ہیں. اللہ عافیت دے.
    عطاء الرحمن ثاقب رحمہ اللہ کی قرآن فہمی منہج سلف کے فہم پر تھی. اس کا خدام القرآن کی دعوت سے کوئی تعلق نہیں وہ تو فقط خلافت کے گرد گھومتی ہے. یا ملوکیت اور اہل عرب و بنو امیہ کی مذمت پر. ڈاکٹر اسرار کی کتاب المسبحات آج بھی ان کی ویب سائٹس پر موجود ہے. جس میں أسماء و صفات کی من مانی تفسیر کی گئی ہے. جس سے عقیدت وحدت الوجود کا رنگ نمایاں ہوتا ہے.
    اہل حدیثوں کو چاہیے کہ وہ ماشاءاللہ منہج سلف صالحین پر چلتے ہیں.. فہم سلف کو بھی متنازعہ دینی مسائل میں اولیت دے دیں تو ان کے لیے بہتر ہے. اللہ رحم کرے
     
Loading...

اردو مجلس کو دوسروں تک پہنچائیں