بیس تراویح بدعت ہے تو حرم میں مصلحت کے تحت کیوں پڑھائی جاتی ہے ؟

بیس تراویح بدعت ہے تو حرم میں مصلحت کے تحت کیوں پڑھائی جاتی ہے ؟

یہ ایک سوال ہے ؟ جو کہ کسی کی طرف سے پوچھا گیا ـ اس سوال یا اعتراض میں وزن ہے ـ کیونکہ اگر ایک چیز بدعت ہے تو حرم میں کیوں جائز ہے اور وہاں بیس تروایح ہی کیوں پڑھائی جاتی ہیں ؟ کیا مصلحت کے تحت بھی کسی بدعت کو باقی رکھنا جائز ہے ؟

سوال کا جواب دیتے ہوئے کاپی پیسٹ اور غیر ضروری روابط دینے سے گریز کریں ورنہ اس تھریڈ کا مقصد جاتا رہے گا ـ اس حوالے سے علماء کیا کہتے ہیں خصوصا عرب علماء نے کیا دلائل دیے ہیں صرف وہ ذکر کیے جائیں ـ جزاکم اللہ خیراـ

اہل علم کو ٹیگ کردیتے ہیں ـ باقی اراکین بھی جواب دے سکے ہیں ان شاء اللہ

 

نماز تراویح کی تعداد متعین نہيں ہے بلکہ کم یا زيادہ پڑھنا جائز ہیں ، اور سائل نے جو دو صورتیں سوال میں ذکر کی ہیں وہ دونوں جائز ہيں ، یہ مقتدیوں پر ہے کہ وہ رات کے شروع میں پڑھیں یا آخر میں جو بھی انہيں مناسب معلوم ہوتا ہو اس پر عمل کریں ۔

لیکن افضل یہی ہے کہ سنت پر عمل کیا جائے اورنبی صلی اللہ علیہ وسلم سے جوتعداد ثابت ہے اسی پر عمل کیا جائے اورافضل بھی یہی ہے کیونکہ نبی صلی اللہ علیہ وسلم نے رمضان اورغیررمضان میں کبھی بھی گيارہ رکعات سے زيادہ ادا نہيں کی تھیں ۔ (الشیخ محمد صالح المنجد)

شیخ ابن عثيمین رحمہ اللہ تعالی نے نماز تروایح میں رکعات کی تعداد ذکر کرنے کے بعد کہا ہے :

اس معاملہ میں وسعت پائي جاتی ہے ، بلکہ جوگیارہ رکعت ادا کرتا ہے یا جو تئيس رکعات ادا کرے اسے غلط نہيں کہنا چاہیے ، بلکہ الحمد للہ اس میں وسعت پائي جاتی ہے ۔ ا ھـ

دیکھیں فتاوی الشيخ ابن ‏عثيمین رحمہ اللہ تعالی ( 1 / 407 ) ۔

 

صحیح ہے ، لیکن بیس رکعت کی بدعت کی ہورہی ہے ؟ کیا علماء عرب بھی غیرمسنون تروایح کو بدعت کہتے ہیں ؟ اس کا کوئی حوالہ مل جائے تو بہتر ہے ۔ پھر حرم میں ہونے والی بیس رکعت کی مصلحت معلوم ہو جائے گی

 

نبی صلی اللہ علیہ وسلم رات کی نماز کے بارہ میں سوال کيا گيا تو نبی صلی اللہ علیہ وسلم نے فرمایا :

( دو دو ) نبی صلی اللہ علیہ وسلم نے یہاں پر تعداد کی تحدید نہیں کی ، اوریہ معلوم ہونا چاہیے کہ جس شخص نے نبی صلی اللہ علیہ وسلم سے سوال کیا تھااسے تعداد کا علم نہیں تھا ، کیونکہ جسے نماز کی کیفیت کا ہی علم نہ ہواس کاعدد سے جاہل ہونا زيادہ اولی ہے ، اورپھر وہ شخص نبی صلی اللہ علیہ وسلم کے خادموں میں سے بھی نہیں تھا کہ ہم یہ کہیں کہ اسے نبی صلی اللہ علیہ وسلم کے گھر میں ہونے والے ہرکام کا علم ہو ۔

لھذا جب نبی صلی اللہ علیہ وسلم نے اسے تعداد کی تحدید کیے بغیر نماز کی کیفیت بیان کی ہے تو اس سے یہ معلوم ہوا کہ اس معاملہ میں وسعت ہے ، اورانسان کے لیے جائزہے کہ وہ سو رکعت پڑھنے کے بعد وتر ادا کرے ۔

رات کی نماز کی رکعات کی تعداد مقیدنہ ہونے کے دلائل میں سب سے واضح دلیل مندرجہ ذیل حدیث ہے :

ابن عمر رضي اللہ تعالی عنہما بیان کرتے ہیں کہ ایک شخص نے رسول اکرم صلی اللہ علیہ وسلم سے رات کی نماز کے بارہ میں سوال کیا تورسول اکرم صلی اللہ علیہ وسلم نے فرمایا :

( رات کی نماز دو دو رکعت ہے اورجب تم میں سےکوئي ایک صبح ہونے خدشہ محسوس کرے تو اپنی نماز کے لیے ایک رکعت وتر ادا کرلے ) صحیح بخاری حدیث نمبر ( 946 ) صحیح مسلم حدیث نمبر ( 749 ) ۔


http://islamqa.info/ur/9036

 

ان سب احادیث اور ان کے حوالے سے جو مسائل ہیں ،سب میرے علم میں ہیں ۔ لیکن سوال کو سامنے رکھ جواب دینے کی کوشش کریں کہ کیا بیس رکعت بدعت ہے ِ؟ اگر ہے تو کن علماءعرب نے اسے بدعت کہا ہے ؟ تاکہ حرم میں مصلحت کے تحت بیس رکعت والی بات سمجھ میں آسکے ـ

 

عرب علماء فتویٰ : ویڈیو

https://www.facebook.com/video.php?v=1467074140202101

https://www.facebook.com/Ahlehadith2013/videos/vb.1399279016981614/1467074140202101/?type=2&theater​

 

شیخ البانیؒ سے کسی نے بیس رکعات تراویح کہ متعلق پوچھا تو آپ نے فرمایا:
”اگر ہم بیس رکعات راویح ادا کریں تو ہمارا یہ عمل خلافِ سنت ہو گا کیونکہ ہم جانتے ہیں کہ سنت کیا ہے۔ اور اگر کوئی یہ سمجھتا ہے کہ تراویح بیس رکعات ہے تو ہم کہے گے کہ اس نے خلافِ سنت عمل کیا‘‘
فتویٰ الشیخ البانیٌ صفحہ 278

 

فتوی میں وضاحت موجود ہے کہ شیخ نے بدعت نہیں کہا ۔ بلکہ اس شرط کے ساتھ کہ اگر کوئی یہ سجھتا ہے کہ تراویح میں بیس رکعات ہے تو خلاف سنت ہے ورنہ نہیں ۔۔ اور یہی سوال میرا تھا کہ بدعت تو کسی نے نہیں کہا ۔

 

بدعت تو نہیں کہا جا سکتا نہ ہی ان رکعات کو بدعت کہنے کا فتوی میرے علم میں ہے.

 

ابن عبدالبر (رح) نے نقل کیا ہے کہ اسود بن یزید (غالبا تابعی) چالیس رکعات پڑھتے تھے اور سات وتر پڑھتے تھے-

 

اس مسئلہ میں لچک ہے لیکن عجیب بات یہ ہے کہ مختلف تعداد رکعات تو سلف سے ثابت ہیں۔ ثابت نہی ہے تو ۲۰ نہیں ہے۔ یہ ہنسنے کا مقام ہے کہ رونے کا ؟

 

اگر یہ مان بھی لیا جائے کہ شیخ البانیؒ نے بیس رکعات کو بدعت نہیں کہا تو پھر بھی انہوں نے خلافِ سنت کہ کر شدید سخت موقف اپنایا ہے۔ حالانکہ آٹھ رکعات سے زیادہ ادا کرنا سلف سے ثابت ہے۔ اور شیخ البانیؒ کہ علاوہ کسی اور عرب عالم نے اتنا سخت موقف نہیں اپنایا یا کم از کم میرے علم میں نہیں۔

 

Taraweeh 8 hein ya 20 - Sheikh Muhaddith Wasiullah Abbas

لنک

​

 

Tarawih 8 or 20 by faiz syed !! !!


لنک


​

 

بات بیس کی نہیں بلکہ بیس کو سنت کہنے کی ہے ہماری جنگ بھی بس اتنی ہی ہے کہ بھائی چاہے بیس پڑھو یا پچاس لیکن یہ سنت نہیں سنت 11 ہی ہیں۔ یہ بات کسی کو سمجھ نہیں آتی اور جس کو آجاتی ہے وہ خود ہی گیارہ پڑھنی شروع کر دیتا ہے اور اہل بیس کا مسئلہ یہ ہے کہ اگر وہ بیس کو ذاتی عمل کہہ دیں تو ان پر سوالیہ نشان لگ جائے گا لہذا وہ مسیر ہے کہ بیس سنت ہے اور اس کے لئے وہ کن لولی لنگٹری باتوں کا سہارا لیتے ہیں یہ بات بھی روز روشن کی طرح عیاں ہے۔

 

اہل بیس !
بہت خوب۔

 

خلاف سنت کہنا سخت موقف نہیں ـ اس سے زیادہ سخت موقف یہ ہے کہ شیخ البانی رحمہ اللہ نے رکوع کے بعد ہاتھ باندھنے کو بدعت کہا ہے ۔۔ خلاف سنت کہنا ہلکا موقف ہے ۔جیسا آپ نے نقل کیا کہ "اگر کوئی یہ سمجھتا ہے کہ تراویح میں بیس رکعت ہے تو ہم کہیں گے خلاف سنت عمل کیا" ۔ (اگر کوئی ایسا نہیں سمجھتا تو بیس رکعت خلاف سنت نہیں ۔ عرب علماء نے بھی خلاف سنت کہا ہے بدعت نہیں ۔۔ بلکہ بدعت تو شاید کسی نے نہیں کہا ۔

 

بھائی ہماری تو کوئی جنگ نہیں ۔ ہم نے آج بیس ہی پڑھی تھیں الحمد للہ : )
اگر یہ لوگ بیس کو ہی سنت کہتے ہیں ، گیارہ نہیں تو پھر بھی ہم جنگ نہیں کریں گے ، صرف اتنا کہیں گے کہ اعمال کی قبولیت کا دارومدار دو چیزوں پر ہے ، ایک اللہ کے ساتھ کسی کو شریک نہیں ٹھہرانا اور دوسرا اعمال صالح ۔ عمل صالح صرف نبی ﷺ کی اتباع ہی میں ہے ۔ اگر ان میں سے کسی ایک میں بھی کمی بیشی ہوئی تو قبولیت کاامکان نہیں ۔
پھر ایسے متعصب شخص کے بارے میں کیا خیا ل ہے جو پورا رمضان بیس رکعت کو ہی سنت سمجھ کر پڑھتا رہا ؟۔ فیصلہ تو اس نے خود کرنا ہے ۔اللہ حق بات پر عمل کرنے کی توفیق دے ۔

 

نہ جی نہ آپ کی جنگ نہیں ہے تو کوئی مسئلہ نہیں اپنی جنگ تو ہے ہر اس عمل اور ہر اس فرد سے جوغیرسنت کو سنت کہے اور اس پر جھوٹے موٹے دلائل بھی دے۔ : )