بدخطی

عفراء نے 'مَجلِسُ طُلابِ العِلمِ' میں ‏ستمبر 30, 2015 کو نیا موضوع شروع کیا

  1. عفراء

    عفراء webmaster

    شمولیت:
    ‏ستمبر 30, 2012
    پیغامات:
    3,920
    " یہاں میں اپنے ایک اور ہمدرد کا ذکر کرنا ضروری سمجھتا ہوں۔ جہاں تک مجھے یاد ہے ان کا نام نذیر احمد تھا۔ وہ کسی بنک میں کیشیر تھے، ان کی قابلیت کا یہ عالم تھا کہ اگر کسی پیریڈ میں کوئی استاد موجود نہ ہوتے تو طلباء خود انہیں رہ نمائی کی دعوت دیتے۔ وہ تاریخ جیسی مشکل کتاب کا سبق بلا تکلف ذہن نشین کروا دیتے تھے۔ ہم سب کو یقین تھا کہ وہ یونیورسٹی میں اول آئیں گے۔ اس زمانے میں نتیجہ مقررہ وقت پر نکلتا تھا۔ نتیجے کی تاریخ داخلہ فارم پر لکھی ہوتی تھی۔ نتیجہ اورینٹل کالج کی بیرونی دیوار کے تختہ سیاہ پر چار بجے چسپاں کر دیا جاتا تھا۔ چنانچہ میں نے اپنا نتیجہ دیکھنے کے بعد اول سے آخر تک ان کا نام تلاش کیا، مجھ سے پہلے کچھ اور ساتھی بھی تلاش کر چکے تھے۔ انہوں نے کہا وہ ناکام ہوگئے۔ سب چکرا گئے کہ یہ کیسے ممکن ہے۔ معلوم ہوا کہ ان کا خط (ہینڈرائٹنگ) اس قدر خراب تھا کہ ان کے لیے خود بھی اپنی تحریر پڑھنا مشکل تھا۔ یہی بدخطی ناکامی کا سبب بنی تھی۔"
    حافظ نذر احمد

    بحوالہ
    سرگزشت ایام
    حافظ نذر احمد
    ترتیب و تدوین: سفیر اختر​
     
    • پسندیدہ پسندیدہ x 4
  2. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,485
    یہ تو ایک ذہین انسان کے پرچے دیکھنے والے ممتحن کی سفاکی ہے۔ خط کتنا بھی برا ہو، اچھے ممتحن کو اتنا پتہ چل جاتا ہے کہ لکھنے والا کتنے پانی میں ہے۔
    مجھے اپنی ایک طالبہ یاد ہے جس کا خط بہت خراب تھا، مشقی مقالے(اسائنمنٹ) اور مڈٹرم دیکھنے کے بعد بھی میں نے اس سے کہا کہ صاف لکھنے کی کوشش کریں، فائنل میں جب بھی اس کا پرچہ سامنے آتا میں اسے اور نیچے کر دیتی کہ اسے آخر میں دیکھوں گی۔ آخر میں اسے دیکھا اور حیرت کی بات کہ اس کے 85٪ سے زائد مارکس تھے۔ (مارکس کی اردو کیا ہوتی ہے؟) مجھے یقین ہے کہ اس کے لکھے ہوئے بعض الفاظ سمجھ آجاتے تو شاید میں اسے 90 فی صد بھی دے دیتی۔
     
    • پسندیدہ پسندیدہ x 2
  3. ابن قاسم

    ابن قاسم محسن

    شمولیت:
    ‏اگست 8, 2011
    پیغامات:
    1,719
    اللہ کا شکر ہے میری ہینڈ رائٹنگ کی بہت لوگوں نے تعریف کی ہے(سوائے اردو کے، جسے دیکھ کر میں خود بھی حیران رہتا ہوں کہ کس بے چارے نے لکھا ہوگا)
     
    • پسندیدہ پسندیدہ x 1
  4. بابر تنویر

    بابر تنویر منتظم

    رکن انتظامیہ

    شمولیت:
    ‏دسمبر 20, 2010
    پیغامات:
    7,313
    . اردو میں میرے خیال میں لفظ نمبر استعمال ہوتا ہے.
     
    • پسندیدہ پسندیدہ x 2
  5. انا

    انا -: ممتاز :-

    شمولیت:
    ‏اگست 4, 2014
    پیغامات:
    1,400
    میں اس تحریر کو پھر اپنی حوصلہ افزائی سمجھوں :) ۔
     
    • پسندیدہ پسندیدہ x 2
  6. عطاءالرحمن منگلوری

    عطاءالرحمن منگلوری -: ماہر :-

    شمولیت:
    ‏اپریل 9, 2012
    پیغامات:
    1,475
    ہمارے اساتذہ اور والد صاحب مرحوم نے بچپن میں تختی پر لکھائی کی مشق کروائ..الحمدللہ
    خوشنویسی اور خطاطی بھی مسمانوں کا ورثہ ہے.پہلے دور کے مدارس یہ فن بھی سکھاتے تھے.کمپیوٹر کی آمد سے یہ فن اور انفرادی لکھائی بھی بہت متائثر ہوئ.قلم /ہولڈر جس میں کٹی ہوئي نب ہوتی تھی اور تختی ناپید ہوکر رہ گئے ہیں.
     
    • پسندیدہ پسندیدہ x 1
  7. بابر تنویر

    بابر تنویر منتظم

    رکن انتظامیہ

    شمولیت:
    ‏دسمبر 20, 2010
    پیغامات:
    7,313
    جی بالکل سسٹر اور مزید کا انتظار ہے
     
    • پسندیدہ پسندیدہ x 1
  8. عفراء

    عفراء webmaster

    شمولیت:
    ‏ستمبر 30, 2012
    پیغامات:
    3,920
    جی سفاکی تو ہے لیکن استاد بے چارہ بھی کیا کرے اسے اپنی آنکھیں پھوڑنی پڑیں تو!

    بہرحال اتنی سختی بھی نہیں ہونی چاہیے کہ خط کی وجہ سے نمبروں پر فرق پڑے۔ پھر بھی اکثر اساتذہ برے خط والوں کو نمبر کھینچ کر ہی دیتے ہیں۔ ذاتی تجربہ ہے : (
    بورڈ کے امتحانات میں اکثر ہوتا ہے۔ لیکن اعلیٰ تعلیم میں ایسا کم ہوتا ہے۔
     

اردو مجلس کو دوسروں تک پہنچائیں