سو لفظوں کی کہانیاں۔۔۔ چھ سے دس

سید انور محمود نے 'مضامين ، كالم ، تجزئیے' میں ‏مارچ 29, 2016 کو نیا موضوع شروع کیا

  1. سید انور محمود

    سید انور محمود رکن اردو مجلس

    شمولیت:
    ‏مئی 11, 2015
    پیغامات:
    225
    تاریخ: 29 مارچ، 2016
    سو لفظوں کی کہانیاں۔۔۔ چھ سے دس
    تحریر: سید انور محمود
    سو لفظوں کی کہانی نمبر 6۔۔۔۔فرمائش۔۔۔۔۔۔
    وزیر اعظم :آیئے آیئے مولانا صاحب میں آپکو یاد کررہا تھا
    مولانا: کیا ہماری کوئی نئی فرما ئش پوری کرنے کا ارادا ہے
    وزیر اعظم : آپکو صرف اپنی فرما ئش کی فکر ہے
    نیب جو میرئےخلاف کیس کھول رہی ہے اسکا کچھ سوچیں
    مولانا: ہم پہلے سوچتے ہیں پھر فرمائش کرتے ہیں
    آپ صرف یہ کریں ہمارئے بیٹے کو وزیر خارجہ بنا دیں
    ہمارئے مدارس کےلیے چندہ جمع کرنے میں آسانی ہوجائے گی
    اگلے دن مولانا کا بیان تھا
    نیب کو ایک ڈکٹیٹر نے سیاسی لوگوں سے انتقام کیلئے قائم کیا تھا
    ایسے اداروں کو قائم نہیں رہنا چاہئے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    سو لفظوں کی کہانی نمبر 7۔۔۔۔مونا لیزا۔۔۔۔۔۔
    فن مصوری کی شہرہ آفاق مونا لیزا کی مسکراہٹ کو
    ماہرین نے ایک تصویر کی بنیاد پر جعلی قرار دیا تھا
    افغان لڑکی شربت بی بی بارہ سال کی تھی جب اسکی تصویر ایک
    عالمی جریدے نے اپنے سرورق پر شائع کی تھی
    سبز آنکھوں کی وجہ سے نیشنل جیوگرافک چینل نے
    اسکی دستاویزی فلم بنائی
    وہ ‘افغان مونا لیزا’کے نام سے مشہور ہوئی
    گذشتہ سال نادرا نے ‘افغان مونالیزا ’ کے پاکستانی
    شناختی کارڈ کومنسوخ کردیا
    جعلی طریقے سے حاصل کیا تھا
    افسوس تصویر والی مونا لیزا کی مسکراہٹ اور
    جیتی جاگتی مونا لیزا کا شناختی کارڈ جعلی نکلے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    سو لفظوں کی کہانی نمبر 8۔۔۔۔سالگرہ۔۔۔۔۔۔
    زمبابوے میں 24 لاکھ افراد خشک سالی
    کی وجہ سے غذا سے محروم ہیں
    جس دن بانوے سالہ صدر رابرٹ موگابے کی سالگرہ تھی
    وہ دو دن سے بھوکا تھا
    اسکول والے اسکو زبردستی سالگرہ کی تقریب میں لے گئے
    یہ تقریب خشک سالی سے متاثرہ شہر میسونگو میں ہوئی
    تقریب پر آٹھ لاکھ ڈالر کی رقم خرچ کی گئی
    تقریب شروع ہوئی، بچوں نے صدرکی عمر درازی کےلیے
    دعایہ گیت گائے مگر وہ خاموش رہا
    پھر کھانے کا پروگرام شروع ہوا
    کھانے دیکھ کراس نے بلند آواز میں دعا کی
    یا اللہ ہمارئے صدر کی سالگرہ روز ہوا کرئے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    سو لفظوں کی کہانی نمبر 9۔۔۔۔یونیفارم۔۔۔۔۔۔
    منی بہت دن سے اسکول کے نئے یونیفارم کا تقاضہ
    کررہی ہے جس کےلیے دو سو روپے چاہیں
    مزدور آدمی ہوں،
    کبھی مزدوری مل جاتی ہے اور کبھی نہیں
    بینظیر انکم سپورٹ پروگرام کے وظیفے
    سے ہر تین ماہ بعد 4500 روپے مل جاتے ہیں
    15 روز قبل اس میں 800 روپے سالانہ کے اضافے کا اعلان ہوا
    میں نے منی کو بتایا کہ اب ہم جلدہی نیا یونیفارم خرید سکیں گے
    منی نے حساب لگاکر بتایا کہ ہمارئے وظیفہ میں
    دو روپے انیس پیسے روزانہ کا اضافہ ہوا ہے
    اس لیے ہم بانوئے دن بعد یونیفارم خرید سکیں گے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    سو لفظوں کی کہانی نمبر 10۔۔۔۔کوئز مقابلہ۔۔۔۔۔۔
    کوئز مقابلہ ہورہا تھا،
    سوال: کیا آپ پاکستان کے دو مشہور جڑواں
    بھائیوں کے نام بتاسکتے ہیں؟
    جواب: پہلے کا نام ہے ‘نامعلوم’اور
    دوسرے کا نام ہے ‘عام آدمی’
    سوال: کیا آپ نے ان کو دیکھا ہے؟
    جواب: جی نہیں، ان کو صرف حکمران دیکھ سکتے ہیں
    سوال:ان دونوں میں کیا کیا خصوصیات ہیں؟
    جواب: قتل ہو، ٹارگٹ کلنگ ہو، چوری ہو یا لوٹ مار،
    ان تمام جرائم میں ملوث ہونے کے باوجود
    جو نہیں پکڑا جاتا وہ‘نا معلوم’ ہے
    اور‘عام آدمی’ وہ ہے جس پر نہ تو مہنگائی
    کا اثر ہوتا ہے اور نہ ہی کسی ٹیکس کا
     
    • پسندیدہ پسندیدہ x 2
    • تخلیقی تخلیقی x 1

اردو مجلس کو دوسروں تک پہنچائیں