کیا اپنوں کو بھی کوئی بھولتا ہے! جی ہاں! اپنوں کو تو لوگ بھول جاتے ہیں لیکن اپنوں کا دیا ہوا دکھ کبھی نہیں بھولتے۔
اجتماعی بے ہوشی: امت مسلمہ صدیوں سے اجتماعی بے ہوشی میں ہے اور اس بے ہوشی میں اس کا آپریشن کیا جارہا ہے‘ وہ بھی دشمنوں کے ہاتھوں۔
دنیادار انسان دنیا میں ہی پریشان رہتا ہے اور دیندار انسان دنیا کو قید خانہ سمجهتا ہے ... جیسا کہ رسول اللہ ﷺ کا فرمان ہے کہ " دنیا مومن کیلئے قید خانہ اور کافر کیلئے جنت یے "
مکافات عمل کسی انسان کے ساتھ بهی ہے اور قوم و ملت کے ساتھ بهی ہے ... امریکہ دریافت کے بعد جب یورپین وہاں پہنچے تو انہوں نے ریڈ انڈین کی بری طرح نسل کشی کی ۔ وقت کا پہیہ چلتا رہا اور اب وہ دور آگیا ہے جب ان امریکیوں کی نسل کشی خود انکی اپنے ہاتهوں شروع ہوگئی ہے اب انکی عورتیں بچہ پیدا کرنا نہیں چاہتیں۔۔۔۔ آگے آگے دیکھئے ہوتا ہے کیا؟
ویڈیو کیمرہ کی ایجاد سے آج یہ ب ات ثابت ہو چکی ہے کہ ہماری زندگی کا ایک ایک لمحہ کا ریکارڈنگ ہونا اور بعد میں چلایا جانا ایک اٹل حقیقت ہے لیکن پهر بهی لوگ گناہوں میں ملوث ہیں ...
دوسروں کو نقصان پہنچانے سے بہتر ہے ، خود نقصان برداشت کر لیا جائے‘ کیونکہ دوسروں کو نقصان پہنچانے کا ہمیں یوم حساب حساب دینا پڑے گا‘ لیکن خود نقصان برداشت کر لینے کا کوئی حساب دینا نہیں پڑے گا۔
خوشی اور غمی کا کوئی پیمانہ نہیں ہوتا لیکن اسلام خوشی اور غمی کے موقعوں پر ہمیں صبروتحمل، برداشت اور اعتدال پسندی و میانہ روی کا درس دیتا ہے ۔
زندگی دوسروں کو خوشیاں دینے سے شروع ہوتی ہے اورغم دے کر ختم ہوتی ہے۔ اس لئے ہمیں ساری زندگی دوسروں کو خوشیاں دینے کی فکر کرنی چاہئے‘ کیونکہ آخر میں تو غم دینا ہی ہے ۔
