عیدی از شورش کاشمیری

ابوعکاشہ نے 'حُسنِ کلام' میں ‏جون 17, 2018 کو نیا موضوع شروع کیا

  1. ابوعکاشہ

    ابوعکاشہ ایڈمن

    شمولیت:
    ‏اگست 2, 2007
    پیغامات:
    14,108
    عیدی

    شورش کاشمیری

    میں اپنے دوستوں کو عِید پر بھیجوں تو کیا بھیجوں
    خدا توفیق دے تو ہدیہ ء مہروفا بھیجوں

    لڑکپن کی رسِیلی داستانوں کے لبادے میں
    حدیثِ شوق، نقدِآرزُو، آہِ رساں بھیجوں

    جَوانی کے شگُفتہ وَلولوں کا تذکرہ لِکھ کر
    طبیعت کا تقاضا ہے دلِ درد آشنا بھیجوں

    وہ راضی ہو تو اپنی عُمر کے اس دورِ آخر میں
    بیانِ شوق لکھوں، داستانِ ابتلاء بھیجوں

    "قلم قتلے"ادیبِ شہر ہونے کی رعایت ہے
    غزل کے ریشمیں لہجے میں نظمِ دل کشا بھیجوں

    کوئی نظمِ شگفتہ حضرتِ احسان دانش کی
    رشید احمد* کے اسُلوبِ دل آرا کی ادا بھیجوں

    زبانِ میر، رنگِ میرزا، پیرانہِ حالی
    میں اس سہ آتشہ میں نغمہء بہجت فزا بھیجوں

    خیال آتا ہے "اس بازار" کی نیلام گاہوں میں
    کِسی طوفان کے انداز میں قہرِخدا بھیجوں

    برہنہ کَسبیوں کو عید کے ہنگامہِ عشرت میں
    فقِہیوں کی قبائیں پھاڑ کر بندِ قبا بھیجوں

    تماشا ہائے عصمت اور عالمگیر کی مسجد
    خدا کے نام بھی اک محضرِ آہ و بکا بھیجوں

    میری عیدی مذاقِ عام سے ہو مختلف شورش
    رفیقانِ قلم کو ڈَٹ کے لڑنے کی دُعا بھیجوں

    چٹان. لاہور
    7 فروری 1965
    بشکریہ. شورش کاشمیری کی وال سے
    کمپوزنگ. ابوعکاشہ

    رشید احمد صدیقی*

    @جاسم منیر
     
    • پسندیدہ پسندیدہ x 2
  2. رفی

    رفی منتظمِ اعلٰی

    رکن انتظامیہ

    شمولیت:
    ‏اگست 8, 2007
    پیغامات:
    12,211
    میری عیدی مذاقِ عام سے ہو مختلف شورش
    رفیقانِ قلم کو ڈَٹ کے لڑنے کی دُعا بھیجوں

    :p:p:p
     
Loading...

اردو مجلس کو دوسروں تک پہنچائیں