والد کے نام شاعری

صدف شاہد نے 'حُسنِ کلام' میں ‏نومبر 1, 2018 کو نیا موضوع شروع کیا

  1. صدف شاہد

    صدف شاہد ناظمہ

    رکن انتظامیہ

    شمولیت:
    ‏مارچ 16, 2018
    پیغامات:
    268
    غنچوں کے چٹکنے کی صدا تھے میرے بابا
    پھولوں کے مہکنے کی ادا تھے میرے بابا

    پہنچاتے تھے ہر شخص کو جو فیض مسلسل
    بس قادرِ مطلق کی عطا تھے میرے بابا

    ہر لفظ میں اُن کے لیے اِک جذ بہ ءِ تحسیں
    اخلاص و عنایت کی نوا تھے میرے بابا

    دنیا میں وہ انسان کی عظمت کے تھے پیکر
    دیں دار تھے ، تصویرِ حیا تھے میرے بابا

    ہر محفلِ بے رنگ کو کرتے تھے وہ خوش رنگ
    سب جلتے چراغوں کی ضیا تھے میرے بابا

    ہر شخص پہ ہوتی تھی کرامات کی بارش
    ہاں سب کے لیے حرفِ دعا تھے میرے بابا

    اُن کے لیے رابیلؔ ہے ہر آن دعائیں
    میرے لیے انعامِ خدا تھے میرے بابا

    گُلِ رابیل
     
    • پسندیدہ پسندیدہ x 2
  2. صدف شاہد

    صدف شاہد ناظمہ

    رکن انتظامیہ

    شمولیت:
    ‏مارچ 16, 2018
    پیغامات:
    268
    مجھے یتیمی نے کیسا پاگل بنا دیا ہے
    میں نام بابا کا لکھ کے گُوگل پہ ڈھونڈتا ہوں
    جبار واصف
     
    • پسندیدہ پسندیدہ x 1
  3. صدف شاہد

    صدف شاہد ناظمہ

    رکن انتظامیہ

    شمولیت:
    ‏مارچ 16, 2018
    پیغامات:
    268
    بیٹی اور باپ

    '''''''''''''''''''''''''''
    باپ اور بیٹا
    گھر کے پچھلے لان میں
    کرکٹ کھیل رہے تھے
    کرکٹ کا ماہر تھا والد
    پر بیٹے کا دل رکھنے کو
    جان بوجھ کر ہار رہا تھا
    بیٹا جیت کی سرشاری میں
    خوش تھا ،نعرے مار رہا تھا
    ۔۔۔۔۔۔۔
    سات برس کی پیاری بیٹی
    بینچ پہ بیٹھی
    سارا منظر دیکھ رہی تھی
    وہ ابّو کی ہار مسلسل
    سہہ نہ پائی
    دوڑ کے آئی
    باپ سے لپٹی
    رو کر بولی
    ابّو میرے ساتھ بھی کھیلیں
    آپ کو جتوانے کی خاطر
    میں ہاروں گی

    عرشی ملک
     
    • پسندیدہ پسندیدہ x 2
Loading...

اردو مجلس کو دوسروں تک پہنچائیں