“ی“ سے شروع ہونے والے اشعار۔۔۔۔

یہ کس نے شاخ گل لا کر قریب آشیاں رکھ دی
کہ میں نے شوق گل بوسی میں کانٹوں پر زباں رکھ دی​

 

یہ سات آسمان کبھی مختصر تو ہوں
یہ گھومتی زمیں کہیں ٹھہرنے تو دے
کیسے کسی کی یاد کا چہرہ بناؤں میں
امجد وہ کوئی نقش مجھے بھولنے تو دے​

 

یاد تھیں ہمکو بھی رنگارنگ بزم آرائیاں
لیکن اب نقش و نگار طاق و نسیاں ہو گئیں ​

 

یا ربّ زمانہ !! مجھکو مٹاتا ہے کس لئیے
لوح جہاں پہ حرف مُکرّر نہیں ہوں میں​

 

یہ علم یہ حکمت، یہ تدبّر یہ حکومت
کیا کم ہیں فرنگی، معدنیات کی فتوحات​

 

یوں کہتے، یوں کہتے، تھا دل میں جو یار آتا
کہنے کی ہی باتیں ہیں، کُچھ بھی نہ کہا جاتا​

 

یہ آرزو ھے تجھے خود سے زیادہ چاھوں
میں رھوں نہ رھوں میری وفا یاد رھے​

 

یہ کائنات ابھی ناتمام ہے شائد
کہ آرہی ہے دمادم صدائے کن فیکوں​

 

یا رب، یہ جہان گُزراں خوب ہے لیکن
کیوں خوار ہیں مردان صفاکیش و ہُنرمند​

 

یقیں ہو تو رگ سنگ بھی ہے موج شراب
یقیں نہ ہو تو سمندر بھی، قطرہٴ شبنم​

 

يا تو تم مجھکو ذندگی کرلو
اپنی سانسوں ميں تازگی کرلو
ميری آنکھوں سے لے لو ساری ضياء
اپنے جيون ميں روشنی کر لو​

 

یہ کہہ دو ابرباراں سے، اگر برسے تو یوں برسے
کہ جیسے مینہہ برستا ہے، ہمارے دیدہٴتر سے​

 

یوں تو میں ہنس پڑا ہوں، تمہارے لیئے مگر
کتنے ستارے ٹوٹ پڑے اک ہنسی کے ساتھ
فُرصت ملے تو اپنا گریباں بھی دیکھ لے
اے دوست، یوں نہ کھیل میری بےبسی کے ساتھ​

 

یہ اداسیوں کے موسم کہیں رائیگاں نہ جایئں
کسی زخم کو کریدو،کسی درد کو جگاؤ​

 

یاران جھاں کہتے ہیں کشمیر ہے جنّت
جنّت کسی کافر کو ملی ہے نہ ملے گی​

 

یقیں پیدا کر اے غافل، تجلّی عین فطرت ہے
کہ اپنی موج سے بیگانہ رہ سکتا نہیں دریا​

 

یہ دستور زباں بندی ہے کیسا تیری محفل میں
یہاں تو بات کرنے کو ترستی ہے زباں میری​

 

یہ مسائل تصوُّف، یہ تیرا بیان غالب
تُجھے ہم ولی سمجھتے، جو نہ بادہ خوار ہوتا ​

 

یہ رنگِ خوں ہے گلوں پر نکھار اگر ہے بھی
حنائے پائے خزاں ہے بہار اگر ہے بھی

یہ پیش خیمۂ بیدادِ تازہ ہو نہ کہیں
بدل رہی ہے ہوا سازگار اگر ہے بھی​

 

یھی ہے زندگی کچھ خواب چند امیدیں
انھیں کھلونوں سے تم بھی بھل سکو تو چلو​