محبت کیا ہے دل کا درد سے معمور ہو جانا

محبت کیا ہے دل کا درد سے معمور ہو جانا
متاعِ جاں کسی کو سونپ کر مجبور ہو جانا

قدم ہیں راہِ الفت میں‌ تو منزل کی ہوس کیسی؟
یہاں تو عین منزل ہے تھکن سے چور ہو جانا

یہاں تو سر سے پہلے دل کا سودا شرط ہے یارو
کوئی آسان ہے کیا سرمد و منصور ہو جانا؟

بسا لینا کسی کو دل میں، دل ہی کا کلیجا ہے
پہاڑوں کو تو بس آتا ہے جل کر طور ہو جانا

نظر سے دور رہ کر بھی تقی وہ پاس ہیں میرے
کہ میری عاشقی کو عیب ہے مہجور ہو جانا​

 

انتخاب اچھا ہے مگر ہم غزل کے اس شعر سے بالکل متفق نہیں۔

ہمارے نزدیک یہ دونوں حضرات زندیق ہیں کیونکہ کسی بھی عشق کا ایسا دعوٰی جس کا شریعت ِخداوندی سے کھلم کھلا تصادم ہو اسے ہم ہر طرح سے رد کریں گے۔۔۔یہ مصرع نہ صرف صوفیاء کی تعلیمات کا داعی ہے بلکہ اس مصرع میں ایسے زندیق اور ملحد شخصیات کو معصوم و محفوظ ثابت کرنے کی کوشش کی گئی ہے جن کا کفر کسی طور بھی لائق معافی نہیں۔۔

 

جزاک اللہ خیرا نعمان بھائی۔

 

جزاک اللہ خیرا نعمان بھائی

 

یہ غزل جناب شیخ تقی عثمانی صاحب حفظہ اللہ تعالی کی ہے
جسے جنید جمشید نے ترنم سے پڑھا ہے

 

بعض لوگ منصور كى تعريف اس كى جرات اور بے باكى كے ليے كرتے ہیں بالكل اسى طرح جيسے آج كل بعض لوگ کہتے ہیں كہ تكفيرى نظريات كا حامل ہونے كے باوجود اسامہ بن لادن "مزاحمت كى علامت" تھا۔ عوام الناس نے تو ممتاز قادرى كو بھی غازى بنا ديا ۔
ميرے خيال ميں تو اول الذكر كى جرات باطل كے ليے تھی اور اسامہ كى بڑھكوں نے بھی ہمارا نقصان كروايا۔ جب كہ ممتاز قادرى كے فعل نے سكيورٹی فورسز ميں دينى رجحان والوں کے ليے مشكلات كھڑی كرديں۔بعينہ جامعہ حفصہ كى ڈنڈا بردار طالبات كا خروج شہر كى تمام باپردہ خواتين كے ليے مشكلات كا سبب بنا ، عوام كے مشہور ہيروز ايسے ہی ہوتے ہیں!

 

ميرے خيال ميں مولانا تقى عثمانى صاحب كو شيخ كہنا كوئى قابل نكير بات نہیں۔ نظرياتى اختلافات ايك الگ بات ہیں اور ذاتى احترام الگ بات ۔ انسانوں کے درميان ذاتى احترام باقى رہنا چاہیے۔ مولانا ارشاد الحق اثرى حفظہ اللہ نے حبيب الرحمن كاندھلوى كے رد ميں جو كتاب لكھی ہے اس ميں ہر جگہ ان كو مولانا حبيب الرحمن لكھا ہے !
مولانا اسماعيل سلفى رحمہ اللہ مولانا مودودى رحمہ اللہ كا رد كرتے ہوئے جا بجا ان كو مولانا اور صاحب كہہ كر رد كرتے ہیں۔ تو اس ميں كيا مضائقہ ہے؟
ہمارى دعا ہے کہ اللہ تعالى ہر مسلمان كى حفاظت كرے (حفظھم اللہ !) ہر انسان كو حق كى ہدايت دے۔

 

جى درست فرمايا ، پہلى بار يہ كلام انہی كى آواز ميں سنا ۔ اس ايك شعر كے علاوہ ، جيسا بھی ہے فلمى گانوں سے بہتر ہے۔ اللہ تعالى حق كى جانب مزيد ہدايت دے۔

 

خوبصورت نعت

میرے اسلامی دوستوں کے لیے جنیدجمشیدکی آوازمیں یہ ایک پرترنم اورپراثرشاعری سے مزین نعت امیدہے میرے دوستوں کے دلوں کوبھی چھولے گی یہ آواز
لنک درج ذیل ہے
http://www.youtube.com/watch?v=kPTJo7VDlR4&feature=related

 

آپ کاخیال ہوسکتاہے لیکن میں ان دونوں کی عزت کرتاہوں

 

اس بجا شكوے سے ايك اقتباس ياد آيا ، ليجيے امام احمد بن محمد بن حنبل رحمہم اللہ كى جرات اور بے باكى كا مبارك تذكرہ :
زندگی جہاد اور موت شہادت - URDU MAJLIS FORUM
واقعى اصل ابطال تو وہ ہیں جن كى جرات حق كے ليے ہے ۔