ٹویٹر پرتوہین رسالت : کویتی کو 10 سال قید کی سزا

کویت کی ایک عدالت نے ایک چھبیس سالہ شہری کو سوشل میڈیا پر پیغمبراسلام صلی اللہ علیہ وسلم، صحابہ کرام رضی اللہ عنہم اور ام المومنین حضرت عائشہ صدیقہ رضی اللہ عنہا کی اہانت کے جرم میں قصوروار قرار دے کر دس سال قید کی سزا سنائی ہے۔

عدالت نے اپنے فیصلے میں کہا ہے کہ مجرم کے فعل کی وجہ سے ریاست کی سلامتی کے لیے خطرات پیدا ہوگئے تھے۔مجرم کے وکیل خالد الشطی نے کویت کی اعلیٰ عدالت میں اس سزا کے خلاف اپیل دائر کرنے کا اعلان کیا ہے اوراس توقع کا اظہار کیا ہے کہ اعلیٰ عدالت اس سزا کو منسوخ کردے گی۔

حماد النقی پر خلیجی ریاستوں سعودی عرب اور بحرین کے حکمرانوں کی توہین اور بیرون ملک غلط خبریں پھیلانے کے الزام میں بھی فرد جرم عاید کی گئی تھی۔ استغاثہ کے مطابق ان خبروں کی وجہ سے بیرون ملک کویت کا امیج داغدار ہوا تھا۔

اہل تشیع سے رکھنے والے حماد النقی کو تین ماہ قبل ٹویٹر پر پیغمبر اسلام صلی اللہ علیہ وسلم اور ان کے صحابہ کرام رضی اللہ عنہم کی توہین کے الزام میں گرفتار کیا گیا تھا اور وہ تب سے جیل میں قید ہے۔مجرم کے وکیل نے عدالت میں موقف اختیار کیا تھا کہ ان کے موکل کے ٹویٹر اکاؤنٹ کو ہیک کرلیا گیا تھا لیکن عدالت نے ان کی اس دلیل کو مسترد کردیا تھا۔

حماد نقی کو مقدس شخصیات کی توہین کے جرم میں موجودہ قانون کے مطابق زیادہ سے زیادہ سزا سنائی گئی ہے لیکن درخواست گزار اور بعض ارکان پارلیمان نے اسے پھانسی دینے کا مطالبہ کیا تھا اور اہل سنت سے تعلق رکھنے والے سیکڑوں کارکنان نے اس کی دریدہ دہنی کے خلاف کویت میں احتجاجی مظاہرہ بھی کیے تھے۔
ٹویٹر پرتوہین رسالت کے مرتکب کویتی کو 10 سال قید کی سزا

 

لا حول ولا قوۃ الا باللہ

 

لا حول ولا قوۃ الا باللہ

 

شیئرنگ کا شکریہ

 

ویسے ہونا تو یہ چاہیئے تھا

'' گستاخ رسول صلی اللہ علیہ وآلہ وسلم کی سزا
سر تن سے جدا ''

 

جو لوگ طاغوتی طاقتوں کے زیر سایہ حکومتیں کرتے ہیں، وہ شاتم رسول (ﷺ) کو ’’موت‘‘ کی سزا پر عمل نہیں کروا سکتے۔