نیک اعمال کی جزا دنیا میں؟

السلام علیکم
اہل علم سے گزارش ہے کہ درج ذیل امور میں میری راہنمائی فرمائیں۔

1- حدیث میں جو نیکی کے دس گنا سے سات سو گنا تک بڑھنے کی بات ہے وہ صرف آخرت کے لیے ہے یا دنیا کے لیے بھی؟ کیا اس کا کوئی اصول مقرر ہے کہ کتنا دنیا میں ملے گا اور کتنا آخرت میں یا پھر اللہ تعالیٰ کی رحمت پر منحصر ہے؟ اور کیا ایسا ہوسکتا ہے کہ نیکی کا اجر دنیا میں کچھ نہ ملے؟

2- اگر کسی کو اپنے کسی اچھے عمل کی جزا دنیا میں ملے یا اس کو ایسا محسوس ہو کہ اس کے کسی نیک عمل کی بدولت اسے کوئی فائدہ حاصل ہوا ہے تو اس کی آخرت میں جزا کم ہوجائے گی؟

3- یہ تو عام مشاہدے کی بات بھی ہے کہ نیکی کے اثرات اچھے ہوتے ہیں اور برائی کے برے۔ لیکن کچھ چیزوں میں مثلا انفاق فی سبیل اللہ یا اپنی صلاحیت اور وقت فی سبیل اللہ دینے کا اجر دنیا میں بھی ضرور ملتا ہے؟ اگر کسی کو یہ لگنے لگے کہ اسے ہر چیز کا بدلہ واپس مل رہا ہے تو یہ کیسا ہے؟ کیا یہ اچھی علامت ہے یا خطرے کی؟ آخرت کے حساب سے۔

 

جزاک اللہ خیرا۔
ایک اور چیز کی وضاحت کردیں۔
اللہ کی خاطر وقت دینے سے کیا مراد ہے؟
کیا اس میں صرف وہ کام آتے ہیں جن کا بدلہ ہم کسی انسان کے بجائے صرف اللہ سے چاہتے ہیں؟ مثلا عبادات وغیرہ۔ یا پھر وہ اچھے کام بھی جس سے انسان مادی فوائد بھی حاصل کرے اور دوسری طرف دینی منفعت بھی ہو؟
کیونکہ کچھ کام ایسے ہوتے ہیں جو انسان کسی دوسرے کے لیے کرتا ہے لیکن خود بھی فائدہ اٹھاتا ہے۔ کیا یہ فائدہ اٹھانا بھی نیکی کے بدلے میں آتا ہے؟