مجھے اللہ سے محبت ہے۔۔۔

السلام علیکم ورحمۃ اللہ وبرکاتہ
محبت کا اظہار کرتے رہنے سے محبت بڑھتی ہے۔ اسی لیے یہاں ہم بتائیں گے کہ کن باتوں کی وجہ سے مجھے اللہ سے محبت ہے۔۔۔

 

مجھے اللہ سے محبت ہے کیوں کہ وہ بہت مہربان (الرحیم )ہے۔

 

وہی تو ہے جو کہ میرا خالق و مالک ہے۔ میری ہزار کوتاہیوں کے با وجود مجھے اپنی بے شمار نعمتوں سے مجھے نوازتا ہے۔

 

مجھے اللہ رب العزت سے محبت ہے۔ کیونکہ میں نے اپنے پروردگار کو سچ مچ میں اپنے قدسی فرمان: " أنا عند ظن عبدي بي" (میں اپنے بندے کی میرے تئیں (مثبت) گمان پر ہوں) کا سچ ہونے کا کئی دفعہ تجربہ و مشاہدہ کرچکا ہوں۔

الحمد للہ۔

 

مجھے الله سبحانه وتعالى سے محبت ہے کیوں کے سارے جہاں کا پالنہار ہےوہی مجھے بھی روزی دیتا ہے بہت ہی کرم کرنے والا -الحمد لله رب العالمين الرحمن الرحيم-

 

مجھے اس لیے محبت ہے کہ وہ دعائیں سننے والا ہے۔ تمام دنیا سے مایوس ہو کر بھی تسلی رہتی ہے کہ ایک ذات ہے جو دلوں کا حال جانتی ہے۔

 

مجھے اللہ سے محبت ہے کیوں کہ وہی ہے۔۔۔
الَّذِي خَلَقَنِي فَهُوَ يَهْدِينِ ﴿٧٨﴾وَالَّذِي هُوَ يُطْعِمُنِي وَيَسْقِينِ ﴿٧٩﴾وَإِذَا مَرِضْتُ فَهُوَ يَشْفِينِ ﴿٨٠﴾وَالَّذِي يُمِيتُنِي ثُمَّ يُحْيِينِ ﴿٨١﴾وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ ﴿٨٢﴾
جس نے مجھے پیدا کیا ہے اور وہی میری رہبری فرماتا ہے (78)وہی ہے جو مجھے کھلاتا پلاتا ہے (79)اور جب میں بیمار پڑ جاؤں تو مجھے شفا عطا فرماتا ہے (80)اور وہی مجھے مار ڈالے گا پھر زنده کردے گا (81)اور جس سے امید بندھی ہوئی ہے کہ وه روز جزا میں میرے گناہوں کو بخش دے گا (82) سورۃ الشعراء

 

مجھے اللہ سے محبت ہے ۔ اسی پر توکل کرتا ہوں ۔ اور آج تک اس سے مانگ کر مایوس نہیں لوٹا ۔
الحمد للہ

 

جزاک اللہ خیرا۔

 

مجھے اللہ عزوجل سے محبت ہے کیوں کہ وہ توبہ کرنے والوں کو پسند کرتا ہے۔ نیک لوگوں کو سب پسند کرتے ہیں۔ لیکن غلطیاں کر کے سیکھنے والوں کو بھی نئی زندگی کا موقع دینا بہت بڑی نعمت ہے جو اللہ نے ہمیں دی ہے۔

 

"انسان کبھی اپنے حق میں غلطی کرنے والے کو معاف کر دیتا ہے لیکن اس سے محبت نہیں کرتا، جب کہ اللہ کی محبت ایسی ہے کہ وہ اپنی نافرمانی کرنے والے بندے کو معاف کر کے اس سے محبت بھی کرتا ہے۔ان ربی رحیم ودود۔ بے شک میرا رب بہت رحم کرنے والا بہت پیار کرنے والا ہے۔" شیخ صالح المنجد از خطبہ جمعہ ھل یحبک اللہ تعالی؟