سعودی حکومت نے آن لائن عمرہ ویزہ کی سہولت متعارف کرا دی

سعودی حکومت نے آن لائن عمرہ ویزہ کی سہولت متعارف کرا دی​

ریاض (این این آئی) سعودی حکومت نے بیرون ملک سے آنے والے معتمرین کے لیے آن لائن عمرہ ویزہ کی سہولت متعارف کرا دی۔

سعودی خبر رساں ایجنسی کے مطابق وزارت حج و عمرہ نے ‘‘مقام ’’ کے عنوان سے ویب سائٹ جاری کی ہے جس کے ذریعے عمرہ ویزہ اور پیکیج آن لائن حاصل کیا جا سکے گا۔ اس ضمن میں نائب وزیر حج وعمرہ ڈاکٹر عبدالفتاح بن سلیمان مشاط نے بتایا کہ ویب سائٹ پر لاگ ان کرنے سے عمرہ خدمات آن لائن حاصل کی جاسکتی ہیں۔

ویب سائٹ کے اجراء سے 157 ممالک میں رہنے والے مسلمانوں کو کافی فائدہ ہو گا ۔ ان ممالک سے آنے والے معتمرین براہ راست ویب سائٹ کے ذریعے عمرہ پیکیج حاصل کر سکتے ہیں۔

ڈاکٹر عبدالفتاح کا مزید کہنا تھا کہ اب تک تجرباتی طور پر ویب سائٹ سے 30 کمپنیاں اور ادارے منسلک کئے گئے ہیں جن کے ذریعے گزشتہ برس 1439 ھ کے دوران آنے والے معتمرین کی تعداد 11 لاکھ کے قریب رہی۔

روزنامہ پاکستان
Feb 05, 2019

 

یہ سائیٹ تو صرف ایجنسیوں کے روابط دے رہی ہے، اس کے علاوہ کچھ نہیں۔