اپنی انا کی تسکین کے لئے دوسروں کو دین سے متنفر نہ کریں (شکریہ!)

السلام علیکم!

چند گزارشات کرنا چاہتا ہوں، دلوں کے حال اللہ ہی بہتر جانتا ہے۔ یہ درخواست کسی ایک بھائی یا بہن کے لئے نہیں ہے۔


1) اگر آپ لوگوں کو دین سکھلانا چاہتے ہیں تو پہلے لوگوں کی ناروا باتیں برداشت کرنا سیکھیں۔ اپنی انا کو سائیڈ پر رکھیں اور دوسروں کی انا کومجروح نہ کریں۔ تبلیغ دین میں صبر و تحمل کی اہمیت بہت ہی زیادہ ہے۔

2) ایسا نہ ہو کہ آپ کے علم سے کسی کو فائدہ پہنچنے کی بجائے 4،5 بندے آپ کے تند و تیز رویے کی وجہ سے متنفر ہوجائیں۔ پھر کہوں گا دوسروں کی غلط باتوں کو بھی برداشت کرنا سیکھیں۔ ہر بات کا جواب دینا ضروری نہیں ہوتا۔

3) ہم میں سے اکثر کو یہ ذعم ہوتا ہے کہ چونکہ ہم بہت دین جانتے ہیں اور باقی عوام بالکل کورے اور جاہل ہیں، ان کو دین کا کیا پتا، اس سے بات کیوں کریں؟جب آپ لوگ اس شخص کو اپنے پاس پھٹکنے ہی نہیں دیں گے تو اسے کیسے پتا چلے گا کہ کون سا مال اصلی ہے اور کونسا نقلی ؟؟؟

4) دیکھیں محترم بھائیو اور بہنو! جب تک آپ دوسرے کو اپنے قریب آنے ہی نہ دیں گے اور روز اول سے ہی لٹھ لے کر اس کے پیچھے پڑ جائیں گے تو آپ کے مسلک کی کیا خاک اشاعت ہو گی۔ جب آپ چھوٹتے ہی اس پر کوئی فتویٰ جڑ دیں گے یا اسے محض جاہل ہی کہہ دیں گے تو زرا سوچ کر بتائیے آپ اسلام کی کس قدر خدمت کررہیں ہوں گے۔

5۔جو شخص آپ کی رائے میں جاہل ہے اگر وہ واقعی میں جاہل ہے تو آپ کے جاہل کہنے سے دین کی پٹڑی پر چڑھ جائے گا؟
ہرگز نہیں!

6- کیا نبی صلی اللہ علیہ والہ وسلم کی تعلیمات ہمیں یہی سبق سکھلاتی ہیں کہ اپنی انا کی تسکین کے لئے مدمقابل کو ترکی بہ ترکی جواب دیا جائے۔ اینٹ کا جواب پتھر؟؟؟؟


7۔ نبی صلی اللہ علیہ والہ وسلم کے خلق عظیم کو یاد کیجئے اور اپنا طرز عمل بھی سامنے رکھیے۔ قرآن میں بھی اس بات کی تعریف کی گئی ہے کہ نبی صلی اللہ علیہ والہ وسلم اچھے اخلاق کے مالک تھے ورنہ لوگ ان کے قریب نہ لگتے۔ ۔ ۔پتھر مارنے والوں کے لئے ہدایت کی دعا۔۔۔۔ ۔ ۔۔۔ اور ادھر ہم چاہتے ہیں کہ مقابل کو ایسی بات سنائیں کہ اسے آئندہ سے فورم پر آنے کی ہمت نہ ہو


8-معذرت کے ساتھ کہتا ہوں کہ سختی، درشتگی کے ساتھ تبلیغ کرنے سے بہتر ہے ہم گھر بیٹھ جائیں۔ جب چھوٹتے ہی آپ دوسرے کی انا کو ٹھیس پہنچاتے ہیں تو آپ کی درجنوں آیات اور احادیث سے مزین گفتگو بھی اس کے کسی کام کی نہیں ہوتی۔

9- اگر اللہ نے کسی کو دین کے علم کےساتھ نوازا ہے تو تحمل، برداشت کا دامن بھی تھامے اور دوسروں کے ساتھ بھلائی کا رویہ اختیار کرے کیونکہ

الدین النصیحۃ

------------کسی بھائی یا بہن کو میری کسی بات سے ٹھیس یا ذہنی اذیت پہنچی ہو تو معزرت۔

 

جزاک اللہ خیر بھائی سلفی !
اچھی نصیحتیں ہیں۔ ہم سب بشر ہیں۔ خطا ہر ایک سے ممکن ہے۔ دوسروں کی دانستہ / نادانستہ غلطی پر سنگین اعتراضات جڑنے سے قبل اگر ہم اتنا ہی سوچ لیں کہ کبھی ایسی ہی غلطی ہم سے بھی ممکن ہو سکتی ہے تب کیا ہم اپنے ہی ان تیز و تند الفاظ کو کسی دوسرے کے قلم سے خود پر سہہ سکتے ہیں ؟
اگر نہیں تو پھر ہمیں اپنے اندر صبر وتحمل اور قوتِ برداشت کے جذبات کو بڑھاوا دینے کی ضرورت ہے۔

اللہ ہم سب کو حلم طبع سے نوازے ، آمین

 

السلام علیکم سلفی بھائي!
ماشاءاللہ آپ نے بہترین تجاویز پیش کی ہیں۔
میں ان پر عمل کرنے میں اپنی بہتری محسوس کروں گا۔ ان شاءاللہ
اللہ مجھ سمیت ہر ممبر کو ان اصولوں پر کاربند رہنے کی توفیق عطا فرمائے۔ آمین
والسلام علیکم

 

وعلیکم السلام ورحمۃ اللہ وبرکاتہ
ماشاءاللہ تبارک اللہ سلفی بھائی
آپ نے بہت ہی اچھی نصیحتیں پیش کی ہیں‌، اللہ تعالیٰ ہم سب کو ان پر عمل کرنے کی توفیق عطا فرمائے۔ آمین
مزید یہ کہ بعض اراکین کا وطیرہ یہ بن گیا ہے کہ دوسروں‌کے اکثر پیغامات کا جواب قرآن کی آیات سے دیتے ہیں‌۔۔۔

 

[FONT="Al_Mushaf"]بارك اللہ فیك[/FONT]

 

السلام علیکم

لگتا کا پرانی تحریر ہے، لیکن ہر دور کے لئے تازگی بخش۔۔۔! واقعی دیندار طبقہ کو سب سے پہلے بااخلاق ہونا چاہئے، بداخلاقی کے ساتھ ، دین کی ترویج کا کام، خود کو دھوکہ ہے اسکے سوا کچھ نہیں۔۔۔!!! اللہ سبھی کو نیک توفیق و ہدایت بخشے۔۔۔!!! بہت کچھ ایسا دیکھنے میں‌آتا ہے کہ علم اور تبلیغ دین میں‌دھت افراد شیطانی انداز اختیار کرجاتے ہیں، اللہ ایسے انداز سے سبھی کو محفوظ رکھے۔۔۔!!!آمین[/FONT]

 

جزاک اللہ خیرا یا طالب علم
علی رضی اللہ تعالی عنه کے قول کا مفهوم ھے که لوگوں سے ان کی سمجھ کے مطابق کلام کرو. حواله مجھے یاد نہیں.


‎ ‎

 

فیس بک مبلغین کے لئے انتہائی نصیحت آموز!

 

ھمارا کام صرف بتانا ھے ھدایت دینا اللہ کا کام ھے ۔میں تو سب کو یہی کہتی ھوں برای دیکھ کر چپ بھی نہ رھیں اس کو بتانا ھمارا فرض ھے کہ یہ کام غلط ھے باقی ھدایت دینا اللہ کا کام ھے اچھے طریقے سے بتائیں ۔ھمارا اخلاق ھی اچھا نہیں ھو گا تو کون ھماری بات سنے گا

 

بجا فرمایا آپ نے سید بھائی
اللہ ہم سب کو ھدایت دے
آمین

 

آمین

 

جزاک اللہ خیرا
برائی دیکھ کر خاموش تو نہیں رہنا چاھیے لیکن اس میں بھی بعض دفعہ بتانے والا دوسروں کی عزت نفس کا خیال نہیں کرتا سب کے سامنے بھی منع کرنا مناسب نہیں کہ بندے کو شرمندہ کر دیا جائے کئی دفعہ یہ بھی ھوتا ھے کہ منع کرنے والا دوسروں کو منع کرنے کا ذکر کرتا ھے جس سے دوسرے کی غیبت بھی ھو جاتی سوچ لینا چاھیے کہ ایسی نیکی کر کے ھم نے کیا کمایا ؟؟؟دعا ھے کہ اللہ تعالی ھم کو صحیع طریقے سے دین پر عمل کر نے اور دین کو پھیلانے کی توفیق دے آمین

 

آمین

 

برائی سے منع کرنا تو ہر مسلمان پر فرض ہے۔
[font="_pdms_saleem_quranfont"]كُنْتُمْ خَيْرَ اُمَّۃٍ اُخْرِجَتْ لِلنَّاسِ تَاْمُرُوْنَ بِالْمَعْرُوْفِ وَتَنْہَوْنَ عَنِ الْمُنْكَرِ وَتُؤْمِنُوْنَ بِاللہِ۰ۭ
نام لئے بغیر منع کیا جائے بھلے فاعل کے سامنے منع کیا جائے یا اس کے بعد منع کیا جائے۔

حکمت: بہت سی احادیث اس بات پر شاہد ہیں کہ جب نہی عن المنکر نہ کیا جائے تو مسلمانوں کی دُعائیں قبول نہیں ہوتیں۔[/FONT]