نعت حرا کے غار میں

حرا کے غار میں
( نعتیہ نظم )

وہ ہاشمی ، وہ فخرعبدِ مُطّلب
قریشئ النسب ، رسولِ منتخب
وہ شاہد و مبّشر و نذیر
مقربّوں میں سب سے محترم
جب ایک ساعتِ مبارکہ میں اُن کے آگے
اک فرشتہئ رُسُل رجوع ہوگیا
تو '' اِقرا بِسْمِ رَبّکْ الّذِی خَلَقْ '' کا چاند
حرا کے غار میں طلوع ہوگیا !
تھی کیسی بارِ معتبر کی کپکپی ؟
حضور ''زَمِّلُونیِ زَمِّلُونیِ '' بول اُٹھے !
وہ کیسا نُور تھا ؟
جو بی بی آمنہ کی گود سے نکل کے
اس اندھیری کائنات میں تجلیاں لُٹا گیا
مبلّغین و مرسلین و مصلحین کی صفوں میں
سب سے آگے چلنے والا رہنما
منافقین و منکرین و مُشرکین
سب کے منھ میں پڑ گئی ہے خاک
از ابتداء تا انتہا
وہ جامع الصفات
دے گیا ہے ایسا مسلکِ حیات
نواہی کی نفی ہوئی تو امر کو ثبات
سجھا گیا حلال و حرام کے تعینات
وہ رحمت اللعالمیں قرآن جس کا معجزہ
تو آؤ مدحتِ نبی کریں ، محبتوں کا دم بھریں
سپردگی ، دِوانگی کی وادیوں میں پھر قدم دھریں
رسولِ حق کی بات پر جئیں ، مریں
''فِدَاکَ اُمّی و ابیِ '' کی منزلوں کو سر کریں

‌

(رؤف خلش، حیدرآباد دکن)

​

 

ماشاء اللہ۔ بہت عمدہ نعت ۔جزاکم اللہ خیرا ۔

 

بہت خوب !

 

رسولِ حق کی بات پر جئیں ، مریں
''فِدَاکَ اُمّی و ابیِ '' کی منزلوں کو سر کریں

آمین، ، ،

 

:00001: بہت خوب جزاک اللہ!

 

بہت خوب

 

جزاک اللہ بھائی
بہت ہی پیاری نظم ہے۔