تین سالہ فریال پر کیاگیا ہولناک ظلم اور نظام عدل

ہر #باپ کا جگر چھلنی ہے، ہر #ماں کا دل نوحہ کناں ہے، ہر #بیٹی کا دل سوکھے پتے کی طرح لرز رہا ہے مگر وطن میں صرف مثبت رپورٹنگ کی اجازت ہے۔۔۔ گلےسڑے نظام عدل کی کسی خامی پر لب کشائی کا مطلب غداری ہے، گفتگو یا مباحثے کا آغاز کرنے کے جرم کی سزا جبری گمشدگی ہے، سو شکر کیجیے کہ وہ مر گئی، بیٹیوں کی خاموشی اور موت کے فضائل بیان کیجیے،صبر کے اجر کی تبلیغ کیجیے، بتائیے کہ بیٹی کا مرجانا کتنا ضروری ہے۔ زندہ رہتی تو ایک ایسا مسئلہ بن جاتی جس کا کوئی حل اس قوم کے عالی منصبوں کے پاس نہ ہوتا!
#
JusticeforFaryal#stopChildAbuse
اصل خبر: ایبٹ آباد میں تین سالہ بچی فریال کے اغوا کے بعد زیادتی کی گئی اور نیم جان بچی کو شدید سردی میں کھلے آسمان تلے سسک سسک کر مرنے کے لیے چھوڑ دیا گیا۔ اس حیوانیت کے مجرم ابھی تک آزاد ہیں اور ہم ایک مہذب معاشرے کے افراد جہاں اس سب کے بعد بھی معمول کی زندگی جاری ہے۔

 

السلام علیکم ورحمة الله وبركاته

امید ہے آپ خیریت سے ہونگیں۔ آپ نے کسی کو (روحی یا رسول اللہ) کے متعلق بتایا تھا۔ غالبکا سوال (یا رسول اللہ) کے متعلق تھا۔ وہ پوسٹ مجھے نہیں مل رہی افداکغالباور آپ کا جواب بھی میں بھول گیا ہوں۔ برائے مہربانی دوبارہ جواب دے دیں۔ شکریہ
جزاک اللہ

 

وعلیکم السلام ورحمۃاللہ وبرکاتہ
الحمدللہ۔ غالبا اس تھریڈ کی تلاش ہے آپ کو۔
http://www.urdumajlis.net/threads/24890/#post-389512

 

اناللہ وانا الیہ راجعون.
یہ اور اس جیسے واقعات میں غیر معمولی اضافہ دیکھنے میں آرہا ہے.قصور کی زینب کی طرح ان تمام واقعات کی تفتیش ہونی چاھیے.اگر خوف الٰہی معاشرے میں نہیں رہا تو خوف حکومت و عدلیہ بھی نہیں! سندھ کی فتح کے بعد شاید کوئ اس جانب بھی توجہ دے.

 

بالکل صحیح کہا
جزاک اللہ خیرا

 

اس تحریر کے شروع میں ہی عرض کر دیا گیا ہے کہ ایسی خبروں پر کون سے دل مضطرب ہوتے ہیں

ابن آدم کے سنگ دلانہ تبصروں سے انٹرنیٹ بھرا پڑا ہے۔
اہل علم کو یہ بتانے کی ضرورت نہیں کہ ان کے لیے کیا مناسب ہے۔ وہ اپنا کام جانتے ہیں۔ مجھے یقین ہے کہ اس فورم پر بہت سی مائیں، باپ اور بیٹیاں موجود ہیں۔امیچیور لوگ ایسے موضوعات سے فرار کا راستہ اپنا سکتے ہیں۔ لیکن جس کو اسی دنیا میں رہنا ہے اسے اس کو رہنے کے قابل بنانے کے عمل میں حصہ لینا ہے۔

 

جی بالکل۔ اسی کیس کے ساتھ نوشہرہ کی آٹھ سالہ مناہل کا واقعہ ہوا، جسے ظالم نے سر پر پتھر مار کرقتل کر دیا تھا۔ آج خیبر پختونخوا پولیس نے ملزم کو گرفتار کیا ہے جو بچی کے والد کا دوست تھا۔ واقعی خوف خدا ختم ہو رہا ہے اور بے حسی بڑھتی جا رہی ہے۔
https://nation.com.pk/01-Jan-2019/suspect-of-rape-murder-of-eight-year-girl-held-in-nowshera
خدا کرے فریال کا مجرم بھی جلد پکڑا جائے۔ قصور کی بچی زینب کے والدین متمول تھے ان کے پاس اتنا پیسہ تھا کہ مسجد نبوی میں اپنی بچی کے لیے دعا کر سکیں، غریب پاکستانی کی پہنچ نہ مسجد نبوی تک ہے نہ پولیس سٹیشن اور عدالتوں تک۔ یہ ملک اب بدترین نظام عدل کے حوالے ہے۔ جہاں انسانی حقوق نام کی کوئی چیز بچوں کے لیے موجود نہیں۔ نوزائیدہ بچوں کی شرح اموات، سٹریٹ چلڈرن کی دردناک زندگی ہو یا گھروں، سکولوں میں ماں باپ کے سایہ شفقت میں پلنے والے بچوں کے ہراساں، اغوا، زیادتی اور قتل کے واقعات ہر معاملے میں اعدادوشمار شرم ناک حد کو چھو رہے ہیں۔