فقہ حنفیہ کے تمام مسائل و اجتہادات غلط نہیں ہیں!! آپ بھی اس طرح کی مثال پیش کریں

السلام علیکم ورحمۃ اللہ وبرکا تہ

تمام مشایخ سے ادبا عرض ہے کہ اس عنوان کے متعلق آپکی کیا رائے ہے؟ کیا ہم سلفی حضرات اس عبارت کے جواب میں منصف کردار ادا کر سکتے ہیں؟

جواب کچھ بھی ہو ہمیں "سلفی" لقب کا احترام کرتے ہوئےدلائل سے مزین موقف کومان لینا چاہیےچاہے وہ کہیں سے بھی ملے، اس لئے نہیں کہ فلاں امام نے اسکی تائید کی بلکہ اس لئے کہ کتاب و سنت سے یہ چیز ثابت ہے اور ہمیں کتاب و سنت کی اتباع کا ہی حکم دیا گیا ہے۔

پہلی مثال میں دیتا ہوں اسکے بعد آپکو بھی اس میں شرکت کی دعوت ہے۔

سونے کے زیورات کی زکاۃ یعنی "زکاۃ الحلی" مختلف فیہ مسئلہ ہے جس میں ہمارا معاشرہ جس موقف پر عمل پیرا ہے وہ کتاب و سنت سے ثابت ہے اور اس کے دلائل بھی آپ سب علماء کی نظر میں ہیں، اسی کے قائل امام ابو حنیفہ رحمہ اللہ ہیں جبکہ دیگر ائمہ اسکے قائل نہیں ہیں۔