مجتہد وفقیہ ومحدث عصر رواں :: حافظ عبد المنان نورپوری

وہ مجتہد وفقیہ ومحدث عصر رواں
کہ ذوق تھا انکا فقظ حدیث اور قرآن

تھے وہ اپنی ذات میں اک آیہء رحمان
دے گئے جدائی ہمیں حافظ عبد المنان

انکو قدرت نے دیا تھا قرن اولى کا دماغ
تھے سچے محب سنت رسول رحمان

کھپادی زندگی ساری اس کی ہی ترویج میں
لے کے آئے تھے جو دعوت محمد ذی شان

بلا کی سادگی ان میں , غضب کی دلکشی
جرأت اظہار کا پیکر تھا انکا طرز بیان

جب کبھی باطل نے للکارا انہیں سرمیداں
ہمیشہ سرخرو اٹھا , نکلا ہمیشہ کامران

علم وفن کی ہر مجال تھی اسکی رہین
اسکا ہمسر نہ پیدا کر سکا کوئی گلستان

وہ رخصت ہوگیا تواک خلا محسوس ہوتا ہے
کوئی ملتا نہیں اسکا اب اس چمن میں ترجمان​

میں نے جامعہ سے فراغت سے قبل ہی شاعری ترک کر دی تھی , لیکن چونکہ شاعری کسی شاعر کا تکلفانہ کلام نہیں ہوتا بلکہ اسکے احساسات لطیفہ ہوتے ہیں جو شعر کے پیرائے میں ڈھل کر اسکے احساسات وتخیلات کے ترجماں ہو جاتے ہیں ۔ اور شاعر قصدا کوئی شعر کہے یہ مشکل ہوتا ہے , اشعار تو شاعر پر طاری اک خاص کیفیت سے خودہی بنتے چلے جاتے ہیں ۔
یہ اشعار بھی میری اسی درد کی تصویر ہیں جو اپنے شیخ کی جدائی میں محسوس کر رہا ہوں ۔