اہل مجلس مشورہ درکار ہے۔

السلام علیکم ورحمتہ اللہ وبرکاتہ۔ امید ہے سب خیریت سے ہونگے ۔اللہ تعالی آپ سبکو اپنے حفظ و امان میں رکھے۔ یہ مجلس مجھے ہمیشہ اپنی فیملی کیطرح ہی عزیز اور اپنے قریب لگی ہے۔ آجکل ایک مشکل میں ہوں سوچا اپنے سب بہن بھائیوں سے مشورہ کیا جائے۔ میری چھوٹی بیٹی کی عمر ساڑھے تین سال ہے۔ اس نے تقریبا ایک سال اور چار ماہ کی ہو کہ بھی زمین پہ مضبوطی سے قدم نا جمایا تو ہم اسے ایک ڈاکٹر کے پاس لے گئے ۔ اس نے بتایا کہ بچی کی ٹانگیں ٹیڑھی ہیں اور وجہ وٹامن ڈی کی شدید کمی ہے۔ اس نے کچھ ڈراپس اور سورج کی شعاعیں لگوانے کا بتایا ۔ الحمدللہ پروپر علاج سے بچی اسی ماہ سے قدم اٹھانے لگی۔ عمر کے ساتھ ساتھ ہمیں اسکی ٹانگیں باہر کیطرف گولائی میں نظر آنے لگی۔دو سال سے ہم اسے مسلسل وٹامن ڈی کے ڈراپس اور دھوپ لگوا رہے ہیں ۔ ادھر جتنے بھی ارتھوپیڈک یا چائلڈ اسپیشلسٹ کو دکھایا بولتے ہیں کچھ نہیں ہوتا بس ڈراپس دیتے رہیں ۔ہماری اپنی فیملی کے دو ڈاکٹروں نے آپریشن کا مشورہ دیا جو کہ پاکستان میں مقیم ہیں اور یہ ہی بولتے ہیں کہ ادھر آ کہ آپریشن کروا لیں ٹائم مت ضائع کریں ۔ میں آپ سب سے یہ پوچھنا چاہتی ہوں کہ کیا کسی کیساتھ ایسا کیس دیکھا ہے آپ نے؟ اور آپریشن کروانا مناسب ہے کہ نہیں۔ کیونکہ سعودی عرب میں ہیمں کسی نے بھی آپریشن نہیں تجویز کیا۔ برائے مہربانی اپنے قیمتی مشوروں سے نوازئیں ۔ جزاکم اللہ خیرا۔

 

اللہ تعالٰی بچی پر اپنا فضل وکرم نازل فرمائے آمین !
میں بھی عکاشہ بھائ کی تجویز سے متفق ہوں ۔ جتنا جلد ہو سکے مجوزہ آپریشن کرا لیا جائے ۔