مکہ و مدینہ کے دوستوں سے دعا کی اپیل

سکالر شپ امتحان میں شرکت کے لئے جماعت چہارم کے بچے کو سکول چھوڑ کے واپس آنے لگا تو بچے نے کہا کہ "'بابا جی جا کے ناں میرے لئے مکہ و مدینہ کے دوستوں سے دعا ضرور کروانا''
میں نے پوچھا وطیفہ کے امتحان میں کامیابی کے بعد پیسوں کا کیا کرو گے؟ اچھی سی گاڑی لوں گا ،حج کے لئے بھی جاؤں گا۔یہ جواب سن کر خوشی ہوئی۔ کہ ارادے تو نیک ہیں صاحبزادے کے۔۔۔
اس لئے بہنوں اور بھائیوں سے دعا کی درخواست ہے۔ خصوصاً ایمان و صحت کے لئے دعا کیجئے گا۔دوا ہم نے کی ہے،کسی قدر یعنی تیاری :book1:دعا میں سب لوگ یاد رکھیں کیا پتہ مکہ و مدینہ سے باہر ہی کوئی مستجاب الدعوہ شخصیت موجود ہو۔۔
اس موقعہ پر علامہ اقبال کے یہ اشعار یاد آئے۔

خیاباں میں ہے منتظر لالہ کب سے
قبا چاہیے اس کو خون عرب سے
کیا تو نے صحرا نشینوں کو یکتا
خبر میں ، نظر میں ، اذان سحر میں
طلب جس کی صدیوں سے تھی زندگی کو
وہ سوز اس نے پایا انھی کے جگر میں
کشاد در دل سمجھتے ہیں اس کو
ہلاکت نہیں موت ان کی نظر میں
دل مرد مومن میں پھر زندہ کر دے
وہ بجلی کہ تھی نعرہ لاتذر ، میں
عزائم کو سینوں میں بیدار کردے
نگاہ مسلماں کو تلوار کردے!​

 

اللہ ہمارے بچے کو کامیاب کرے انکی نیک خواہشات پوری فرمائے اپنے والدین کی آنکهوں کی ٹهنڈک بنائے آمین

 

اللہ تعالیٰ نیک خواہشات کو قبول کرے،اپنی رحمت سے دین اور دنیا کی کامیابی عطا فرمائے

 

اللہ بچے کو نیک صالح بناے دنیا میں آنکھوں کی ٹھنڈک اور دل کاسکون بناے آخرت کے لئیے صدقہ جاریہ بناے آمین یارب العالمین

 

اللہ مالک الملک بچے کو کامیاب کرے آمین
بچے کے ذہن میں ایک بات ابھی سے ڈال دیں کہ اللہ مالک الملک صرف مکہ اور مدینہ مین نہیں سنتا بلکہ ہر جگہ اور ہر وقت سنتا ہے

مچھلی والے (سیدنا یونس علیہ السلام) کو یاد کرو! جبکہ وه غصہ سے چل دیا اور خیال کیا کہ ہم اسے نہ پکڑ سکیں گے۔ بالآخر وه اندھیروں کے اندر سے پکار اٹھا کہ الٰہی تیرے سوا کوئی معبود نہیں تو پاک ہے، بیشک میں ﻇالموں میں ہو گیا (87) تو ہم نے اس کی پکار سن لی اور اسے غم سے نجات دے دی اور ہم ایمان والوں کو اسی طرح بچا لیا کرتے ہیں (88)سورة الأنبياء
اور تمہارے رب کا فرمان (سرزد ہوچکا ہے) کہ مجھ سے دعا کرو میں تمہاری دعاؤں کو قبول کروں گا یقین مانو کہ جو لوگ میری عبادت سے خودسری کرتے ہیں وه ابھی ابھی ذلیل ہوکر جہنم میں پہنچ جائیں گے (60)سورة غافر
جب میرے بندے میرے بارے میں آپ سے سوال کریں تو آپ کہہ دیں کہ میں بہت ہی قریب ہوں ہر پکارنے والے کی پکار کو جب کبھی وه مجھے پکارے، قبول کرتا ہوں اس لئے لوگوں کو بھی چاہئے کہ وه میری بات مان لیا کریں اور مجھ پر ایمان رکھیں، یہی ان کی بھلائی کا باعث ہے (186)سورة البقرة

 

اللہ اس معصوم کی تمام نیک خواہشات کو پورا کرے اسے خود مستجاب الدعوات بنائے!